شہر کی تمام گلیوں، محلوں اورمین شاہراہوں کی خصوصی صفائی یقینی بنائی جا رہی ہے، سی ای اوایل ڈبلیو ایم سی بابر صاحب دین

جمعہ 20 دسمبر 2024 22:00

لاہور (اُردو پوائنٹ اخبارتازہ ترین - اے پی پی۔ 20 دسمبر2024ء) وزیر اعلی پنجاب مریم نواز کے ویژن ستھرا پنجاب پر عملدرآمد یقینی بنانے کے لیے ایل ڈبلیو ایم سی کی آپریشن ٹیمیں 24 گھنٹے فیلڈ میں متحرک ہیں۔ایل ڈبلیو ایم سی کی جانب سے صفائی کے خصوصی انتظامات ممکن بنانے کے لیے روزانہ کی بنیاد پر کمرشل مارکیٹس، عوامی مقامات، اور رش والی جگہوں پر مینوئل سویپنگ اور پانی کا چھڑکاو کیا جا رہا ہے جبکہ 272 بس سٹاپس، لاری اڈوں کی صفائی کو بھی یقینی بنایا جا رہا ہے۔

ایل ڈبلیو ایم سی کے 5000 سے زائد کنٹینرز کی کلیئرنس کے ساتھ ساتھ شہر کے 800 کلومیٹر سے زائد روڈز پر مکینیکل سویپنگ، 100 کلومیٹر سے زائد مکینیکل واشنگ کی جاری ہے۔ سی ای اوایل ڈبلیو ایم سی بابر صاحب دین نے اے پی پی سے بات چیت کرتے ہوئے کہا کہ شہر کی تمام گلیوں، محلوں، چوراہوں، روڈ ڈیوائڈرز اور مین شاہراہوں کی خصوصی صفائی یقینی بنائی جا رہی ہے۔

(جاری ہے)

بہترین صفائی انتظامات کے تحت مسلم ٹاون موڑ، اچھرہ، شمع، مزنگ، ایل او ایس پر روڈ سائیڈ سکریپنگ کی جارہی ہے۔جوہر ٹاون، سمسانی روڈ، خیابان فردوسی، گلوبل ویلج کے اطراف صفائی آپریشن کیا گیا جبکہ نظریہ پاکستان روڈ، ایکسپو سنٹر، جی ون مارکیٹ کے اطراف صفائی ٹیمیں تعینات ہیں۔ لاہوریوں کو صاف ستھرا ماحول فراہم کرنے کیلئے تمام وسائل بروئے کار لا رہے ہیں۔ شہریوں سے بھی گزارش ہے کہ لاہور کو صاف رکھنے میں ایل ڈبلیو ایم سی ٹیموں کا ساتھ دیں۔