نئی دہلی، ریلوے سٹیشن کے احاطے میں نماز پڑھنے پر دو افراد کیخلاف مقدمہ دائر

پولیس کی نمازیوں کو تھانے بلا کر پوچھ گچھ ،آئندہ ایسا نہ کرنے کی یقین دہانی پر گھر جانے کی اجازت دیدی

جمعہ 10 جنوری 2025 23:51

نئی دہلی، ریلوے سٹیشن کے احاطے میں نماز پڑھنے پر دو افراد کیخلاف مقدمہ ..

نئی دہلی (اُردو پوائنٹ اخبارتازہ ترین - این این آئی۔ 10 جنوری2025ء)یوپی ریلوے اسٹیشن پر نماز پڑھنے والے 2نمازیوں کیخلاف بی جے پی نے مقدمہ دائر کردیا۔بھارتی میڈیا کے مطابق ریاست اتر پردیش میں ریلورے سٹیشن کے احاطے میں اپنی کار کے پیچھے نماز پڑھنے پر 2مسلمانوں کے خلاف مقدمہ درج کرلیا گیا ہے ۔بھارتیہ جنتا پارٹی کے مقامی رہنمائوںکی جانب سے درج کرائے گئے مقدمے میں موقف اختیار کیا گیا کہ اس عمل سے کار پارکنگ کا مقصد فوت ہوگیا۔

عینی شاہدین کے مطابق بی جے پی کے غنڈوں نے دونوں نمازیوں کے ساتھ ہاتھا پائی کی اور نفرت آمیز نعرے بازی کی۔بعد ازاں الٹا چور کوتوال کو ڈانٹے کے مصداق پولیس نے نمازیوں کے خلاف ہی مقدمہ درج کرکے کارروائی شروع کردی۔پولیس نے نمازیوں کو تھانے بلا کر پوچھ گچھ کی اور آئندہ ایسا نہ کرنے کی یقین دہانی پر گھر جانے کی اجازت دی۔

(جاری ہے)

تاہم پولیس نے ہندواتوا کے غنڈوں کے خوف سے ابھی مقدمہ ختم نہیں کیا، تحقیقات مکمل ہونے تک دونوں نمازیوں کو شہر سے باہر نہ جانے کی ہدایت کی گئی ہے۔

دوسری جانب نمازیوں نے کہاہے کہ ہم اپنی کار کے عقب میں عبادت کر رہے تھے جس سے کسی دوسرے کو کوئی زحمت یا پریشانی کا سامنا بھی نہیں تھا۔انہوںنے کہا کہ ہمارے خلاف قانونی کارروائی بھارت میں بڑھتی ہندو انتہا پسندی اور مسلمانوں کے خلاف نفرت کی عکاس ہے۔