ریل دیکھ کر دوسروں کے بارے میں رائے نہ بنائیں، خوشی کپور

جنید اور خوشی کپور، ایڈویت چندن کی ہدایت کاری میں بننے والی فلم لویاپا میں مرکزی کردار ادا کر رہے ہیں

جمعہ 7 فروری 2025 12:16

ریل دیکھ کر دوسروں کے بارے میں رائے نہ بنائیں، خوشی کپور

ممبئی (اُردو پوائنٹ اخبارتازہ ترین - این این آئی۔ 07 فروری2025ء)بڑے پردے پر جلد ہی ڈیبیو کرنے والی اداکارہ خوشی کپور نے پرستاروں کو مشورہ دیا ہے کہ 10 سیکنڈز کی انسٹاگرام ریل دیکھ کر دوسروں کے بارے میں رائے نہ بنائیں۔عامر خان کے بیٹے جنید اور آنجہانی سری دیوی کی بیٹی خوشی کپور، ایڈویت چندن کی ہدایت کاری میں بننے والی فلم لویاپا میں مرکزی کردار ادا کر رہے ہیں، جو 7 فروری کو سنیما گھروں میں ریلیز ہوگئی۔

فلم کی پروموشن میں مصروف خوشی نے حال ہی میں ایک انٹرویو کے دوران مصنوعی ذہانت (اے آئی)کے بڑھتے ہوئے استعمال، اس کے اثرات اور انٹرنیٹ کے نقصان دہ پہلوں پر اپنے خیالات کا اظہار کیا۔انہوں نے انٹرنیٹ پر مواد اپلوڈ کرنے میں احتیاط برتنے پر زور دیتے ہوئے کہا کہ اے آئی کے غلط استعمال کے امکانات بڑھتے جا رہے ہیں۔

(جاری ہے)

خوشی کا کہنا تھا کہ مجھے لگتا ہے کہ انٹرنیٹ پر اے آئی کی وجہ سے کافی خوفناک چیزیں موجود ہیں۔

لوگوں کو ان چیزوں سے اپنا دفاع کرنا پڑتا ہے جو انہوں نے کی ہی نہیں ہوتیں۔ یہ کافی ڈرانا ہے۔انہوں نے کہا، اسی لیے آپ کو لوگوں پر بھروسہ کرنا چاہیے اور انٹرنیٹ پر جو چیزیں ڈال رہے ہیں، اس میں محتاط رہنے کی ضرورت ہے۔خوشی کا کہنا تھا کہ لوگ 10 سیکنڈز کی انسٹاگرام ریل دیکھ کر دوسروں کے بارے میں رائے قائم کر لیتے ہیں۔ آپ 10 سیکنڈز کے کلپ سے کسی کے بارے میں کیا جان سکتے ہیں آپ کو انکی زندگی یا ان کے بارے میں کچھ علم نہیں ہوتا۔ اس لیے انٹرنیٹ پر لوگوں کے بارے میں فیصلہ کن رویہ اپنانے سے گریز کرنا چاہیے۔