ٹرمپ کے غیر ملکی امداد روکنے کے فیصلے کا بغور مشاہدہ کر رہے ہیں، آئی ایم ایف

ٹرمپ انتظامیہ کے حالیہ فیصلوں کے اثرات کا واضح جائزہ پیش کرنا ابھی بہت قبل از وقت ہے،بیان

جمعہ 7 فروری 2025 13:37

ٹرمپ کے غیر ملکی امداد روکنے کے فیصلے کا بغور مشاہدہ کر رہے ہیں، آئی ..

واشنگٹن (اُردو پوائنٹ اخبارتازہ ترین - این این آئی۔ 07 فروری2025ء)امریکی صدر دونلڈ ٹرمپ کا غیر ملکی امداد روکنے کے فیصلے پر آئی ایم ایف نے کہا ہے کہ امریکا میں ٹرمپ انتظامیہ کے حکومتی معاملات کا بغور مشاہدہ کر رہے ہیں۔عالمی مالیاتی ادارے کے مطابق غیر ملکی امداد کی بندش، چین پر ٹیرف میں اضافے سمیت دیگر اقدامات میں پیش رفت کو دیکھ رہے ہیں۔

(جاری ہے)

ٹرمپ انتظامیہ کے حالیہ فیصلوں کے اثرات کا واضح جائزہ پیش کرنا ابھی بہت قبل از وقت ہے، امریکی اقدامات کے اثرات دوسرے ممالک اور صارفین کے ردعمل پر منحصر ہوں گے۔آئی ایم ایف بارہا دوسرے ممالک کو تحفظ پسندانہ اقدامات اور تجارتی پابندیوں سیعالمی نمو میں کمی کاخدشہ بیان کر چکا ہے۔آئی ایم ایف سے امریکا کی دستبرداری سے متعلق ٹرمپ انتظامیہ کی تجویز پر ترجمان آئی ایم ایف جولی کوزیک کا کہنا تھا کہ عالمی مالیاتی ادارے کی امریکی حکومتی انتظامیہ کے ساتھ کام کرنے کی طویل تاریخ ہے، ادارہ نئی امریکی انتظامیہ کے ساتھ بھی کام کرنے کا منتظر ہے۔