(کل) کے جلسے کیلئے وزیرِ اعلیٰ علی امین گنڈا پور نے 50 لاکھ روپے دیے ہیں، ترجمان وزیراعلیٰ

جمعہ 7 فروری 2025 17:58

پشاور (اُردو پوائنٹ اخبارتازہ ترین - این این آئی۔ 07 فروری2025ء)ترجمان وزیرِ اعلیٰ خیبر پختون خوا سرفراز مغل نے بتایا ہے کہ (کل) ہفتہ کو ہونے والے جلسے کے لیے وزیرِ اعلیٰ علی امین گنڈا پور نے 50 لاکھ روپے دیے ہیں۔ترجمان وزیراعلی فراز مغل نے بتایا کہ تحریکِ انصاف کے جلسوں اور احتجاج پر اخراجات کے سلسلے میں وزیرِ اعلی خیبر پختون خوا نے 50 کروڑ روپے سے زیادہ خرچ کیے ہیں۔

(جاری ہے)

انہوںنے کہاکہ احتجاج کے دوران جلائی گئی مشینری اور دیگر نقصانات کی ادائیگی وزیرِ اعلیٰ نے اپنی جیب سے کی ہے۔ترجمان نے کہاکہ ڈی آئی خان ریجن سے (آج) ہفتہ کو بڑا قافلہ عمر امین کی قیادت میں صوابی پہنچے گا۔انہوں نے بتایا کہ قافلے میں شامل سیکڑوں گاڑیوں کے کرایوں کی ادائیگی کر دی گئی ہے، وزیرِ اعلیٰ علی امین گنڈاپور پارٹی کے لیے کام کرتے رہیں گے۔ترجمان فراز مغل نے بتایا ہے کہ ہفتہ کو ہونے والے جلسے کے لیے بھی وزیرِ اعلیٰ نے فنڈ دیا ہے۔

Facebook Twitter Google + Share on Whatsapp

(کل) کے جلسے کیلئے وزیرِ اعلیٰ علی امین گنڈا پور نے 50 لاکھ روپے دیے ہیں، ترجمان وزیراعلیٰ

متعلقہ عنوان :

مزید قومی خبریں