رمضان کے دوران چینی کی قیمتوں میں 14 روپے فی کلو کا اضافہ

جمعہ 14 مارچ 2025 17:50

اسلام آباد (اُردو پوائنٹ اخبارتازہ ترین - این این آئی۔ 14 مارچ2025ء)ملک بھر میں رمضان المبارک کے دوران چینی کی قیمتوں میں اضافہ ریکارڈ کیا گیا ہے۔وفاقی ادارہ شماریات نے چینی کی قیمتوں کے تازہ اعداد و شمار جاری کیے ہیں جس کے مطابق رمضان کے دوران چینی کی اوسط قیمت 14 روپے 22 پیسے فی کلو بڑھی ہے۔ادارہ شماریات کے مطابق بڑھتی قیمتوں کے پیش نظر ملک میں چینی کی اوسط قیمت 171روپے 90 پیسے فی کلو او زیادہ سے زیادہ قیمت 180روپے فی کلو تک ہے۔

(جاری ہے)

سرکاری دستاویز میں بتایا گیا کہ سال2025 کے آغاز پر ملک میں چینی کی اوسط قیمت138روپے 64 پیسے فی کلو تھی، سال کے آغاز سے اب تک چینی اوسط 33 روپے 26 پیسے فی کلو اور ساڑھی3 ماہ میں اوسط 40روپی05 پیسے فی کلو مہنگی ہوئی، ملک میں ساڑھے 3 ماہ پہلے چینی کی اوسط قیمت131روپے 85 پیسے فی کلو تھی۔واضح رہے کہ ملک میں چینی کی اوسط قیمت ایک سال قبل145روپیفی کلو تھی ، حکومت نے جون سے اکتوبر 2024 کے دوران 7 لاکھ 50 ہزار ٹن چینی برآمد کی اجازت دی تھی۔