12 سالہ امریکی لڑکے کا کارنامہ، نیوکلیئرفیوژن ری ایکٹربنا لیا

منگل 25 مارچ 2025 16:15

واشنگٹن (اُردو پوائنٹ اخبارتازہ ترین - این این آئی۔ 25 مارچ2025ء)امریکا کے شہر میمفس سے تعلق رکھنے والے 12 سالہ لڑکے جیکسن اوسوالٹ نے ایک حیران کن کارنامہ انجام دیا ہے، اس نے اپنے بیڈروم میں نیوکلیئر فیوژن ری ایکٹر بنا لیا، جس کے بعد ایف بی آئی نے اس کے گھر کا دورہ کیا ہے۔

(جاری ہے)

میڈیارپورٹس کے مطابق جیکسن نے اپنی کہانی سوشل میڈیا پلیٹ فارم ایکس پر شیئر کی، جہاں اس نے بتایا کہ میں نے صرف 12 سال کی عمر سے چند دن پہلے ایک فنکشنل نیوکلیئر فیوژن ری ایکٹر بنانے میں کامیابی حاصل کی۔ اس کا کہنا تھا کہ مجھے یہ خیال مشہور سائنسدان ٹیلر ولسن کی TED Talk دیکھ کر آیا۔