بھارت میں بیل کی اسکوٹر پر سواری نے لوگوں کو حیران کردیا

بدھ 7 مئی 2025 16:27

نئی دہلی (اُردو پوائنٹ اخبارتازہ ترین - این این آئی۔ 07 مئی2025ء)شمالی بھارتی ریاست اتراکھنڈ کے شہر رشیکیش میں ایک دلچسپ واقعہ اس وقت پیش آیا جب ایک اسٹریٹ پر بیل ایک گھر کے سامنے پارک اسکوٹر کو دیکھ کر پہلے تو وہاں رکا اور پھر اس پر سوار ہوکر اسے پیروں سے دھکیلتے ہوئے اس کی سواری کے مزے اڑائے جو کہ ایک سیکیورٹی کیمرے کی آنکھوں میں محفوظ ہوگیا۔

(جاری ہے)

عرب ٹی وی کے مطابق اس محفوظ شدہ ویڈیو میں دیکھا جاسکتا ہے کہ سفید اسکوٹر پر سواری سے قبل بیل نے اسکا جائزہ لیا اور بعد میں اپنی اگلی ٹانگیں اسکی سیٹ پر رکھ کر پچھلی ٹانگوں سے دھکا لگا کر اسے چلایا۔اس دوران یہ منظر دیکھ کر لوگ حیرانی سے اسکے راستے سے ہٹ گئے۔ بیل کی یہ تفریحی سواری اس وقت اختتام کو پہنچی جب اس نے اسکوٹر کو ایک قریبی گیٹ سے لے جاکر ٹکرا دیا اور اسکوٹر گرگئی، بیل زخمی نہیں ہوا اور وہاں سے چلا گیا۔