اجے دیوگن کی سنگھم اسٹائل میں انٹری؛ فلم ریڈ ٹو کا پوسٹر جاری

فلم ریڈ 2018 میں ریلیز ہوئی تھی جو 1980 کے سچے واقعے پر مبنی تھی

منگل 25 مارچ 2025 20:59

اجے دیوگن کی سنگھم اسٹائل میں انٹری؛ فلم ریڈ ٹو کا پوسٹر جاری

ممبئی (اُردو پوائنٹ اخبارتازہ ترین - آن لائن۔ 25 مارچ2025ء) فلم ریڈ کی کامیابی کے بعد اجے دیوگن نے اس فلم کا سیکوئل بنانے کا فیصلہ کیا ہے جس کا پہلا پوسٹر جاری کردیا گیا۔اجے دیوگن کے مداحوں کے لیے فلم کا نام Raid نیا نہیں ہے۔ 2018 میں ریلیز ہونے والی اس کرائم تھرلر فلم نے بلا بسٹر کامیابی حاصل کی تھی۔

(جاری ہے)

ریڈ کی طرح اس فلم کے سیکوئل ریڈ ٹو میں بھی اجے دیوگن انکم ٹیکس آفیسر کا کردار نبھائیں گے لیکن اس بار شہر الگ، کرائم فائل الگ اور ریڈ بھی الگ ہے۔

فلم کے سیکوئل کو بھی اس بار راج کمار گپتا نے ڈائریکٹ کیا ہے اور یہ فلم یکم مئی کو سینما گھروں کی زینت بنے گی۔ اس سیکوئل میں اجے دیوگن کے ساتھ رتیش دیشمکھ، وانی کپور اور راجدیپ کپور بھی نظر آئیں گے۔یاد رہے کہ "Raid" کی اصل کہانی 1980 کی دہائی میں ہونے والی ایک حقیقی انکم ٹیکس چھاپے پر مبنی تھی۔