کارلوس الکاراز ،سٹیفانوس،ایلکس دی مینور اور لورینزو موسیٹی مونٹی کارلو ماسٹرز ٹینس مینز سنگلز کوارٹر فائنل میں پہنچ گئے

جمعہ 11 اپریل 2025 09:20

مونٹی کارلو (اُردو پوائنٹ اخبارتازہ ترین - اے پی پی۔ 11 اپریل2025ء) سپین کے نامور ٹینس سٹاراور ایونٹ کے سیکنڈ سیڈڈ کارلوس الکاراز ،یونان کے ٹینس سٹار سٹیفانوس ، آسٹریلیا کے ٹینس کھلاڑی ایلکس ڈی مینور اور اٹلی کے ٹینس سٹار لورینزو موسیٹی اپنی فتوحات کو برقرار رکھتےہوئے مونٹی کارلو ماسٹرز ٹینس ٹورنامنٹ میں مردوں کے سنگلز مقابلوں کے کوارٹر فائنل رائونڈ میں پہنچ گئے جبکہ روسی ٹینس سٹار ڈینیئل مدویدیف ،برطانوی ٹینس کھلاڑی جیک الیگزینڈر ڈریپر اور ناروے کے ٹینس سٹار کیسپر رڈ مردوں کے سنگلز مقابلوں کے دوسرے رائونڈ میں شکست کے بعد باہر ہوگئے۔

سپین کے 21 سالہ ٹینس سٹاراور ایونٹ کے سیکنڈ سیڈڈ کارلوس الکاراز نے مینز سنگلز پری کوارٹر فائنل میچ میں جرمن حریف کھلاڑی ڈینیئل آلٹمیئر کو شکست دے کر کوارٹر فائنل رائونڈ کے لئے کوالیفائی کرلیا،یونان کے ٹینس سٹار سٹیفانوس نے ٹاپ 16 رائونڈ میچ میں پرتگال کے نونو بورجیس کو مات دے کر ٹاپ 8 رائونڈ کے لئے کوالیفائی کرلیا۔

(جاری ہے)

اے ٹی پی ماسٹرزٹورنامنٹ کے دلچسپ مقابلے مونٹی کارلو کنٹری کلب میں جاری ہیں۔

مردوں کے سنگلز مقابلوں کے پری کوارٹر فائنل رائونڈ میچ میں سپین کے 21 سالہ ٹینس سٹاراور ایونٹ کے سیکنڈ سیڈڈ کارلوس الکاراز نے انتہائی شاندار کارکردگی کا مظاہرہ کرتے ہوئے جرمن حریف کھلاڑی ڈینیئل آلٹمیئر کو سٹریٹ سیٹس میں 3-6 اور 1-6سے شکست دے کر نہ صرف ایونٹ سے باہر کر دیا بلکہ کوارٹر فائنل رائونڈ کے لئے بھی کوالیفائی کرلیا۔

پری کوارٹر فائنل رائونڈ کے ایک اور میچ میں یونان کے ٹینس سٹار سٹیفانوس نے ٹاپ 16 رائونڈ میچ میں عمدہ کھیل پیش کرتے ہوئے پرتگال کے نونو بورجیس کو سٹریٹ سیٹس میں 1-6 اور 1-6 سے مات دے کر ٹاپ 8 رائونڈ کے لئے کوالیفائی کرلیا۔ آسٹریلیا کے ٹینس کھلاڑی ایلکس ڈی مینور نے بھی تیسری رکاوٹ عبور کرلی ، انہوں نے ٹاپ 16 رائونڈ میچ میں روسی حریف کھلاڑی ڈینیئل مدویدیف کو سٹریٹ سیٹس میں 2-6 اور 2-6سے شکست دے کر ٹاپ 8 رائونڈ کے لئے کوالیفائی کرلیا۔\932