Live Updates

پاکستان سپرلیگ 10 میں کل مزید دو میچوں کا فیصلہ ہوگا

ملتان سلطانز اور کراچی کنگز ‘ لاہور قلندرز اور کوئٹہ گلیڈی ایٹرزآمنے سامنے ہوں گے

بدھ 30 اپریل 2025 15:10

پاکستان سپرلیگ 10 میں کل مزید دو میچوں کا فیصلہ ہوگا

اسلام آباد(اُردو پوائنٹ اخبارتازہ ترین - این این آئی۔ 30 اپریل2025ء)پاکستان سپر لیگ 10 میں کل (جمعرات کو) مزید دو میچ کھیلے جائیں گے۔ پاکستان کرکٹ بورڈ(پی سی بی)کے زیر اہتمام پی ایس ایل کے دسویں ایڈیشن کے دلچسپ مقابلوں کا سلسلہ جاری ہے،جس میں شائقین کرکٹ کو انتہائی دلچسپ اور کانٹے دار مقابلے دیکھنے کو مل رہے ہیں۔لیگ کے 20 ویں میچ میں جمعرات کو ملتان سلطانز اور کراچی کنگز کی ٹیمیں لاہور میں مدمقابل ہوں گی اور یہ میچ دن 3 بجکر 30 منٹ پر شروع ہوگا۔

(جاری ہے)

ملتان سلطانز کو مایہ ناز وکٹ کیپر بلے باز محمد رضوان لیڈ کر رہے ہیں جبکہ کراچی کنگز کی ٹیم آسٹریلوی مایہ ناز بلے باز ڈیوڈ وارنر کی قیادت میں میدان میں اتریگی۔جمعرات کو ہی لیگ کا 21 واں میچ لاہور قلندرز اور کوئٹہ گلیڈی ایٹرز کی ٹیموں کے درمیان کھیلا جائے گا اور یہ میچ رات 8 بجے شروع ہو گا اور فلڈ لائٹس کی روشنی میں کھیلا جائے گا۔لاہور قلندرز کو مایہ ناز فاسٹ بائولر شاہین شاہ آفریدی لیڈ کر رہے ہیں جبکہ کوئٹہ گلیڈی ایٹرز کو سعود شکیل لیڈ کر رہے ہیں۔ ٹورنامنٹ کا فائنل 18 مئی کو قذافی سٹیڈیم، لاہور میں کھیلا جائے گا۔