فٹ بال اسٹارز نے انسٹا گرام کا میدان بھی مار لیا

بدھ 30 اپریل 2025 18:05

اسلام آباد (اُردو پوائنٹ اخبارتازہ ترین - این این آئی۔ 30 اپریل2025ء)فوٹوز اینڈ ویڈیوز شیئرنگ ایپ انسٹاگرام پر دنیا کے 10 سب سے زیادہ فالو کیے جانے والے افراد کی فہرست جاری کردی گئی۔تفصیلات کے مطابق 2025ء میں انسٹاگرام پر راج کرنے والی شخصیات کی فہرست معروف جریدے فوربز نے جاری کی، دنیائے فٹ بال پر راج کرنے والے کرسٹیانو رونالڈو اور لیونل میسی اب سوشل میڈیا پر بھی اپنی دھاک بٹھائے ہوئے ہیں، دونوں فٹ بالرز دیگر معروف سلیبریٹیز کو پیچھے چھوڑ کر سب سے آگے نکل گئے ہیں۔

(جاری ہے)

فٹبال کے سپر اسٹار کرسٹیانو رونالڈو 652 ملین فالوورز کے ساتھ سرفہرست ہیں اور وہ ایک اسپانسرڈ پوسٹ سے تقریباً 29 کروڑ روپے کماتے ہیں۔دوسرے نمبر پر لیونل میسی براجمان ہیں جن کے فالوورز کی تعداد 505 ملین ہے، جب کہ وہ ہر پوسٹ سے 21 کروڑ روپے سے زائد کماتے ہیں۔تیسرے نمبر پر گلوکارہ اور اداکارہ سلینا گومز ہیں جن کے فالوورز 420 ملین ہیں اور وہ اپنی بیوٹی برانڈ ریئر بیوٹی کے ذریعے سوشل میڈیا پر بھرپور کمائی کر رہی ہیں۔اسی طرح دی راک، کائلی جینر، آریانا گرانڈے، کم کارڈیشین، بیونسے، کلوئی کارڈیشین اور جسٹن بیبر بھی انسٹاگرام کے ٹاپ 10 ستاروں میں شامل ہیں، جن کی ایک پوسٹ کی قیمت کروڑوں میں ہے۔

Facebook Twitter Google + Share on Whatsapp

فٹ بال اسٹارز نے انسٹا گرام کا میدان بھی مار لیا

متعلقہ عنوان :

مزید کھیلوں کی خبریں