اے ٹی پی بارسلونا اوپن ٹینس ٹورنامنٹ ہفتہ سے سپین میں شروع ہوگا

جمعہ 11 اپریل 2025 14:30

بارسلونا (اُردو پوائنٹ اخبارتازہ ترین - اے پی پی۔ 11 اپریل2025ء) اے ٹی پی بارسلونا اوپن ٹینس ٹورنامنٹ کا 72 واں ایڈیشن کل (بروز ہفتہ ) سے سپین کے مشہور شہر بارسلونا میں شروع ہوگا۔ٹورنامنٹ انتظامیہ کے مطابق ایونٹ کے کامیاب انقعاد کے لئے تمام تر تیاریاں مکمل کرلی گئیں ہیں۔ کلے کورٹ پر کھیلے جانے والے اے ٹی پی ایونٹ میں دنیائے ٹینس کے نامور ٹینس کھلاڑی ٹائٹل کے حصول کے لئے ایکشن میں نظر آئیں گے۔

(جاری ہے)

ٹورنامنٹ میں مردوں کے سنگلز مقابلوں میں ناروے کے ٹینس سٹار کیسپر رڈ اپنے اعزاز کا دفاع کریں گے جبکہ مردوں کے ڈبلز مقابلوں میں میکسیمو گونزالیز اور ان کے ہم وطن جوڑی دار آندرس مولٹینی پر مشتمل ارجنٹائن کی جوڑی ٹائٹل کا دفاع کرے گی۔ٹورنامنٹ رئیل کلب ڈی ٹینس ، بارسلونا میں کھیلا جائے گا۔ 12 اپریل سے شروع ہونے والا اے ٹی پی ٹینس ٹورنامنٹ 20 اپریل تک جاری رہے گا اور ایونٹ کے ئے 28 لاکھ 89 ہزار یورو کی انعامی رقم رکھی گئی ہے۔\932