سونے کی فی تولہ قیمت تاریخ کی بلند ترین سطح 3 لاکھ 40 ہزار 600 روپے تولہ تک بڑھ گئی

ہفتہ 12 اپریل 2025 21:52

اسلام آباد (اُردو پوائنٹ اخبارتازہ ترین - اے پی پی۔ 12 اپریل2025ء) آل پاکستان صرافہ جیمز اینڈ جیولرز ایسوسی ایشن کے مطابق 24 قیراط فی تولہ سونے کی قیمت میں 1,800 روپے کا اضافہ ہوا اور ہفتے کے روز قیمت 340,600 روپے کی بلند ترین سطح پر پہنچ گئی، گزشتہ کاروباری دن کی فروخت 338,800 روپے تھی۔

(جاری ہے)

24 قیراط کے 10 گرام کی قیمت بھی 1,543 روپے اضافے سے 2,90,466 روپے سے بڑھ کر 292,009 روپے ہو گئی جبکہ 10 گرام 22 قیراط سونے کی قیمت بھی بالترتیب 266,261 روپے سے بڑھ کر 267,684 روپے ہو گئی۔فی تولہ اور دس گرام چاندی کی قیمتیں بالترتیب 3,234 روپے اور 2,772 روپے پر مستحکم رہیں۔ایسوسی ایشن کے مطابق بین الاقوامی مارکیٹ میں سونے کی قیمت 3,218 ڈالر سے بڑھ کر 3,236 ڈالر ہو گئی جبکہ چاندی کی قیمت 31.30 ڈالر پر برقرار رہی۔