راجستھان رائلز کا ردعمل آگیا، فکسنگ کے الزمات کو گمراہ کن قرار دیدیا

یہ کرکٹ کی سالمیت کو بھی داغدار کرتے ہیں‘اسپورٹس سیکریٹری کو خط لکھ کر جے دیپ کے خلاف سخت کارروائی کی درخواست

بدھ 23 اپریل 2025 12:30

راجستھان رائلز کا ردعمل آگیا، فکسنگ کے الزمات کو گمراہ کن قرار دیدیا

نئی دہلی (اُردو پوائنٹ اخبارتازہ ترین - این این آئی۔ 23 اپریل2025ء)راجستھان رائلز نے انڈین پریمیئر لیگ 2025 میں خود پر لگنے والے میچ فکسنگ کے الزامات کو سختی سے مسترد کردیا ہے۔فرنچائز نے میچ فکسنگ الزمات کی تردید کرتے ہوئے انھیں‘گمراہ کن’قرار دیا ہے، راجستھان کرکٹ ایسوسی ایشن کی ایڈہاک کمیٹی کے کنوینر جے دیپ بہاری نے آئی پی ایل 2025 میں راجستھان رائلز کی لکھنؤ سپر جائنٹس کے ہاتھوں 2 رن کی شکست پر سوال اٹھایا تھا۔

(جاری ہے)

الزامات پر ردعمل دیتے ہوئے راجستھان رائلز کے ایک سینئر اہلکار دیپ رائے نے کہا کہ یہ الزامات گمراہ کن، جھوٹے اور بے بنیاد ہیں، ہم ایڈہاک کمیٹی کے کنوینر کے تمام الزامات کو مسترد کرتے ہیں۔انھوں نے کہا کہ اس طرح کے عوامی بیانات نہ صرف گمراہ کن ہیں بلکہ ان سے راجستھان رائلز، رائل ملٹی اسپورٹ پرائیویٹ لمیٹڈ، راجستھان اسپورٹس کونسل اور بی سی سی آئی کی ساکھ کو شدید نقصان پہنچا ہے، یہ کرکٹ کی سالمیت کو بھی داغدار کرتے ہیں۔راجستھان رائلز کی انتظامیہ نے بھی باضابطہ طور پر ریاست کے وزیر اعلیٰ، وزیر کھیل، اور اسپورٹس سیکریٹری کو خط لکھ کر جے دیپ بہاری کے خلاف سخت کارروائی کی درخواست کی ہے۔