انگلش پی ایل ،مانچسٹر سٹی کی 18 ویں فتح،آسٹن ولا کو 1-2 گول سے ہرا دیا

برنارڈو سلوا اور میتھیس نونس نے ایک، ایک گول کر کے مانچسٹر سٹی کی فتح میں کلیدی کردار ادا کیا

بدھ 23 اپریل 2025 12:37

لندن(اُردو پوائنٹ اخبارتازہ ترین - این این آئی۔ 23 اپریل2025ء)انگلش پریمیئر لیگ کی دفاعی چیمپئن مانچسٹر سٹی نے ایک میچ میں اپنی عمدہ کارکردگی کی بدولت آسٹن ولا کی ٹیم کو 1-2 گول سے ہرا دیا۔ یہ دفاعی چیمپئنز مانچسٹر سٹی کی ای پی ایل میں 18ویں فتح ہے۔برنارڈو سلوا اور میتھیس نونس نے ایک، ایک گول کر کے مانچسٹر سٹی کی فتح میں کلیدی کردار ادا کیا۔

پریمیئر لیگ کے دلچسپ مقابلے انگلینڈ میں جاری ہیں،جس میں شائقین فٹ بال کو کانٹے دار میچز دیکھنے کو مل رہے ہیں۔

(جاری ہے)

اتحاد سٹیڈیم، مانچسٹر میں کھیلے گئے لیگ کے اہم میچ میں دفاعی چیمپئن مانچسٹر سٹی اور آسٹن ولا کی ٹیمیں آمنے سامنے تھیں۔ مانچسٹر سٹی کی ٹیم نے میچ میں شاندار کارکردگی کا مظاہرہ کرتے ہوئے آسٹن ولا کی ٹیم کو ایک کے مقابلے میں 2گول سے ہرا دیا۔دفاعی چیمپئنز کی جانب سے برنارڈو سلوا اور میتھیس نونس نے ایک، ایک گول کر کے اپنی ٹیم کی فتح میں اہم کردار ادا کیا۔ آسٹن ولا کی ٹیم کی طرف سے میچ میں واحد گول مارکس راشفورڈ نے پنالٹی کک پر سکور کیا۔ واضح رہے کہ انگلش پریمیئر لیگ میں مانچسٹر سٹی کی ٹیم پوائنٹس ٹیبل پر 61 پوائنٹس کے ساتھ تیسرے نمبر پر موجود ہے۔

Facebook Twitter Google + Share on Whatsapp

انگلش پی ایل ،مانچسٹر سٹی کی 18 ویں فتح،آسٹن ولا کو 1-2 گول سے ہرا دیا

برنارڈو سلوا اور میتھیس نونس نے ایک، ایک گول کر کے مانچسٹر سٹی کی فتح میں کلیدی کردار ادا کیا

مزید کھیلوں کی خبریں