مصر ، ایک خاندان کے 4 افراد سیلفی بناتے ہوئے دریائے نیل میں ڈوب کر جاں بحق

جمعرات 24 اپریل 2025 08:30

قاہرہ (اُردو پوائنٹ اخبارتازہ ترین - اے پی پی۔ 24 اپریل2025ء) مصر میں ایک خاندان کے 4 افراد سیلفی بناتے ہوئے دریائے نیل میں ڈوب کر جاں بحق ہوگئے ۔العربیہ کے مطابق مصر کی کمشنری بنی سویف میں ایک ہی خاندان کے چارافراد جن میں دو لڑکے اور دو لڑکیاں شامل تھیں سیلفی بناتے ہوئے دریائے نیل میں ڈوب گئے۔ریسکیو فورسز نے 6 دن کی تلاش کے بعد چاروں افراد کی نعشوں کو دریا سے نکال لیا۔

(جاری ہے)

اس المناک سانحہ میں ہلاک ہونے والے اپنے عزیزوں کی شادی میں شرکت کرنے کمشنری کے گاوں ’صالح فرید‘ پہنچے تھے جہاں وہ دریائے نیل کی سیر کے لیے گئے۔ بتایا گیا ہے کہ 15 سالہ ریحام ممدوح سالم اپنے تین رشتے داروں کے ساتھ دریائے نیل کے کنارے کھڑے ہو کر سیلفی بنا رہی تھی کہ اچانک اس کا پیرپھسل گیا اور وہ دریا میں جاگری۔اس کے ساتھ ہی دوسری لڑکی بھی گری جسے بچانے کے لیے دوسرے دو افراد نے کوشش کی گئی مگر وہ بھی لہروں کی نذر ہوگئے۔مرنے والوں میں 15 سالہ ریحام ، 15 سالہ دعا ربیع اور محمد ربیع سالم جبکہ ان کا چوتھا کزن 17 سالہ محمود عید سالم شامل ہے۔