دنیا بھارت کو اب پاکستان کے برابر سمجھ رہی ہے، راہول گاندھی

مودی میں دم ہے تو بولیں ٹرمپ جھوٹ بول رہا، اپوزیشن لیڈر کی کڑی تنقید

بدھ 30 جولائی 2025 17:28

دنیا بھارت کو اب پاکستان کے برابر سمجھ رہی ہے، راہول گاندھی

نئی دہلی(اُردو پوائنٹ اخبارتازہ ترین - این این آئی۔ 30 جولائی2025ء)عالمی سطح پر سفارتی تنہائی کا شکار بھارتی بیانیے کو دنیا نے مسترد کر دیا، مودی سرکار کو آپریشن بنیان مرصوص میں شکست کے بعد سفارتی سطح پر بھی منہ کی کھانی پڑی۔اپوزیشن لیڈر راہول گاندھی نے لوک سبھا میں مودی سرکار کی ذلت آمیز ناکامیوں کا پردہ چاک کر دیا۔

(جاری ہے)

راہول گاندھی نے کہا کہ اگر دم ہے تو وزیراعظم مودی کہیں کہ ٹرمپ جھوٹ بول رہا ہے، بھارتی وزیر خارجہ جے شنکر نے تقریر کے دوران نیو نارمل کا لفظ استعمال کیا، انہوں نے تقریر میں کہا کہ تمام ممالک نے دہشت گردی کی مذمت کی۔

اپوزیشن لیڈر راہول گاندھی کا کہنا تھا کہ جے شنکر نے یہ نہیں بتایا کہ پہلگام کے بعد ایک بھی ملک نے پاکستان کا نام نہیں لیا، دنیا بھارت کو اب پاکستان کے برابر سمجھ رہی ہے۔مودی سرکار کے بیانیے کے خلاف امریکی صدر ٹرمپ کئی مرتبہ جنگ بندی میں کردار کا حوالہ دے چکے ہیں، دہشت گردی کے خلاف پاکستان کے موثر اور حقیقت پسندانہ مقف کو عالمی سطح پر بھرپور پذیرائی ملی۔مودی سرکار کے مبہم، کمزور اور سیاسی مقف کو دنیا نے بے رحمی سے مسترد کر دیا، اس طرح مودی سرکار کا جھوٹ اب پوری طرح کھل کر سامنے آگیا۔