ٹرمپ کی بھارت پر 25 فیصد ٹیکس عائد کرنے کی دھمکی

ابھی تک امریکا اور بھارت کے درمیان تجارتی معاہدہ طے نہیں پایا ہے،گفتگو

بدھ 30 جولائی 2025 17:05

ٹرمپ کی بھارت پر 25 فیصد ٹیکس عائد کرنے کی دھمکی

واشنگٹن (اُردو پوائنٹ اخبارتازہ ترین - این این آئی۔ 30 جولائی2025ء)امریکی صدر ڈونلڈ ٹرمپ نے بھارت پر 25 فیصد ٹیکس عائد کرنے کی دھمکی دے دی۔صحافیوں سے گفتگو میں کہا کہ بھارت نے اگر تجارتی معاہدہ نہ کیا تو اس پر 25 فیصد ٹیکس لگائیں گے۔امریکی صدر کا کہنا تھا کہ ابھی تک امریکا اور بھارت کے درمیان تجارتی معاہدہ طے نہیں پایا ہے۔

(جاری ہے)

انہوں نے کہا کہ بھارت ایک اچھا دوست رہا ہے، لیکن اس نے بنیادی طور پر تقریبا تمام ممالک سے زیادہ ٹیرف وصول کیے ہیں۔

واضح رہے کہ صدر ٹرمپ نے اپریل میں بھارتی مصنوعات پر 26 فیصد ٹیرف کے نفاذ کا اعلان کیا تھا جس پر عملدرآمد جولائی تک کے لیے ملتوی کر دیا گیا تھا۔انہوں نے ایپل کو خبردار کیا تھا کہ اگر کمپنی نے اپنے آئی فونز امریکا میں تیار نہیں کیے تو اسے 25 فیصد ٹیرف کا سامنا کرنا پڑے گا جبکہ صدر ٹرمپ نے کار ساز کمپنی ٹیسلا کا مینوفیکچرنگ پلانٹ بھی بھارت میں لگنے سے رکوادیا تھا۔