انگلش پریمیئر فٹ بال لیگ میں 26 اپریل کو مزید 5میچ کھیلے جائیں گے

جمعرات 24 اپریل 2025 08:50

لندن (اُردو پوائنٹ اخبارتازہ ترین - اے پی پی۔ 24 اپریل2025ء) انگلش پریمیئر فٹ بال لیگ میں 26 اپریل کومزید 5میچوں کا فیصلہ ہوگا۔ ای پی ایل میں شائقین فٹ بال کو انتہائی دلچسپ اور کانٹے دار مقابلے دیکھنے کو مل رہے ہیں۔پہلا میچ چیلسی اور ایورٹن کی ٹیموں کے درمیان سٹامفورڈ برج، لندن کے مقام پر کھیلا جائے گا،دوسرا میچ برائٹن اینڈ ہوو البیون اور ویسٹ ہیم یونائیٹڈ کی ٹیموں کے درمیان امریکن ایکسپریس سٹیڈیم، فالمیرکے مقام پر کھیلا جائے گا،تیسرے میچ میں نیوکیسل یونائیٹڈ اور ایپسوچ ٹائون کی ٹیمیں آمنے سامنے ہوں گی اور یہ میچ سینٹ جیمز پارک، نیو کیسل اپون ٹائن میں کھیلا جائے گا۔

چوتھا میچ فلہم اور سائوتھمپٹن کی ٹیموں کے درمیان سینٹ میری سٹیڈیم ، سائوتھمپٹن میں کھیلا جائے گاجبکہ 26اپریل بروز ہفتہ کا پانچواں اور آخری میچ وولور ہیمپٹن ولا اور لیسٹر سٹی کی ٹیموں کے درمیان مولینکس سٹیڈیم، وولور ہیمپٹن کے مقام پر کھیلا جائے گا۔

(جاری ہے)

انگلش پریمیئر فٹ بال لیگ کے 33 ویں سیزن کا آغاز ہوچکا ہے جو مجموعی طور پر ٹاپ فلائٹ انگلش فٹ بال کا 126واں ایڈیشن ہے۔

ای پی ایل میں شامل 20 ٹیمیں ٹائٹل کے حصو ل کے لئے پنجہ آزمائی کر رہی ہیں جن میں دفاعی چیمپئن مانچسٹر سٹی ،بورن ماؤتھ،آرسنل ،آسٹن ولا ،برینٹ فورڈ، برائٹن اینڈ ہوو البیون ،چیلسی،کرسٹل پیلس،ایورٹن،فلہم،ایپسوچ ٹائون،لیسٹرسٹی ،لیورپول،مانچسٹر یونائیٹڈ ،نیو کیسل ،ناٹنگھم فارسٹ ،ساؤتھمپٹن،ٹوٹنہم ہاٹ پور،ویسٹ ہیم اوروولور ہیمپٹن شامل ہیں۔\932

Facebook Twitter Google + Share on Whatsapp

انگلش پریمیئر فٹ بال لیگ میں 26 اپریل کو مزید 5میچ کھیلے جائیں گے

مزید کھیلوں کی خبریں