بنگلہ دیش اور زمبابوے کا دوسرا اور آخری ٹیسٹ میچ 28 اپریل سے شروع ہوگا

زمبابوے کی ٹیم کو میزبان بنگلہ دیش کی ٹیم کے خلاف دو میچوں کی ٹیسٹ سیریز میں 0-1 کی برتری حاصل ہے

جمعرات 24 اپریل 2025 12:00

چٹوگرام(اُردو پوائنٹ اخبارتازہ ترین - این این آئی۔ 24 اپریل2025ء)بنگلہ دیش اور زمبابوے کی کرکٹ ٹیموں کے درمیان دو ٹیسٹ میچوں پر مشتمل سیریز کا دوسرا اور آخری ٹیسٹ میچ 28 اپریل سے ظہور احمد چودھری سٹیڈیم، چٹوگرام میں شروع ہوگا۔ زمبابوے کی ٹیم کو میزبان بنگلہ دیش کی ٹیم کے خلاف دو میچوں کی ٹیسٹ سیریز میں 0-1 کی برتری حاصل ہے۔

(جاری ہے)

زمبابوے کی ٹیم نے میزبان بنگلہ دیشی ٹیم کو 20 سے 24اپریل تک سلہٹ انٹرنیشنل کرکٹ سٹیڈیم، سلہٹ میں کھیلے گئے پہلے ٹیسٹ میچ میں 3 وکٹوں سے شکست دی تھی۔

زمبابوے کی مردوں کی ٹیم رواں ماہ بنگلہ دیش کا دورہ کرے گی جہاں وہ میزبان بنگلہ دیشی ٹیم کے خلاف دو ٹیسٹ میچوں کی سیریز کھیلے گی، جس کا ایک میچ کھیلا جاچکا ہے جو زمبابوے کی ٹیم نے جیت لیا تھا۔دو ٹیسٹ میچوں پر مشتمل سیریز کا دوسرا اور آخری ٹیسٹ میچ 28 اپریل سے 2 مئی تک ظہور احمد چودھری سٹیڈیم، چٹوگرام میں کھیلا جائے گا۔