ٹک ٹاکر سجل ملک کا عمران اشرف سے تعلق کا انکشاف

میں نے کبھی اس تعلق کو اپنے کیریئر کیلئے استعمال نہیں کیا،اینکرکی گفتگو

ہفتہ 26 اپریل 2025 11:15

لاہور(اُردو پوائنٹ اخبارتازہ ترین - این این آئی۔ 26 اپریل2025ء)ٹک ٹاکر سجل ملک نے انکشاف کیاہے کہ مشہور اداکار و میزبان عمران اشرف ان کے رشتہ دار ہیں لیکن کبھی اس تعلق کو اپنے کیرئیرکیلئے استعمال نہیں کیا۔سجل ملک نے حال ہی میں ایک پوڈکاسٹ میں شرکت کی جہاں انہوں نے گفتگو کے دوران بتایاکہ ، جی ہاں، عمران اشرف ہمارے قریبی رشتہ دار ہیں،دراصل وہ میری والدہ کے کزن ہیں،وہ میری والدہ کو بخوبی جانتے ہیں اور اکثر خاندانی تقریبات جیسے شادیوں میں شریک ہوتے ہیں، مگر میری ان سے کبھی ملاقات نہیں ہوئی، نہ ہی کسی شو میں، اور نہ ذاتی طور پر۔

انہوں نے بتایا کہ، انہیں اس رشتے پر فخر ہے لیکن انہوں نے کبھی اس تعلق کو اپنے کیریئر کیلئے استعمال نہیں کیا۔سجل نے انکشاف کیا کہ انہوں نے ایک بار انسٹاگرام پر عمران اشرف سے رابطہ کیا تھا تاکہ اداکاری کے میدان میں قدم رکھنے کیلئے رہنمائی حاصل کر سکیں۔

(جاری ہے)

انہوں نے کہا کہ میں نے انہیں میسج میں بتایا کہ میں ان کی کزن کی بیٹی ہوں اور اپنی والدہ کی تصویر بھی شیئر کی۔

انہوں نے وعدہ کیا تھا کہ کسی جگہ میری سفارش کرنے کی کوشش کریں گے لیکن بدقسمتی سے، بعد میں میں نے اپنا انسٹاگرام اکاؤنٹ کھو دیا اور وہ چیٹ بھی ختم ہو گئی۔سجل نے بتایا کہ وہ اداکارہ بننا چاہتی تھیں لیکن اینکرنگ کا سفر اتفاقاً شروع ہوا، وہ اس وقت مختلف ایجنسیوں سے بھی رابطے میں تھیں تاکہ کام کے مواقع حاصل کر سکیں۔

Facebook Twitter Google + Share on Whatsapp

ٹک ٹاکر سجل ملک کا عمران اشرف سے تعلق کا انکشاف

میں نے کبھی اس تعلق کو اپنے کیریئر کیلئے استعمال نہیں کیا،اینکرکی گفتگو

مزید فن و فنکار کی خبریں