نامورکمپیئر، اداکار، شاعرطارق عزیزکو دنیا سے رخصت ہوئے 5 برس بیت گئے

منگل 17 جون 2025 12:37

لاہور(اُردو پوائنٹ اخبارتازہ ترین - این این آئی۔ 17 جون2025ء)دیکھتی آنکھوں، سنتے کانوں کو طارق عزیز کا سلام، پاکستان ٹیلی ویژن کی پہلی آواز، نامور کمپیئر، اداکار، شاعر اور سیاستدان طارق عزیز کو دنیا سے رخصت ہوئے 5 برس بیت گئے۔ہر دلعزیز میزبان طارق عزیز 28 اپریل 1936 کو جالندھرمیں پیدا ہوئے، ریڈیو پاکستان لاہور سے اپنی پیشہ ورانہ زندگی کا آغاز کیا اور 40 سال تک پی ٹی وی کے پروگرام نیلام گھر کی میزبانی کی۔

(جاری ہے)

جب 1964 میں پاکستان ٹیلی ویژن کا قیام عمل میں آیا تو طارق عزیز پی ٹی وی کے سب سے پہلے مرد انانسر تھے، وہ اپنے کیرئیر کے پہلے دن سے آخری روز تک پی ٹی وی کے ساتھ ہی وابستہ رہے۔طارق عزیز نے فلموں میں بھی اپنے فن کے جوہر دکھائے، پہلی فلم انسانیت 1967 میں ریلیز ہوئی، طارق عزیزسالگرہ، قسم اس وقت کی، کٹاری، چراغ کہاں روشنی کہاں اور ہار گیا انسان میں بھی جلوہ گر ہوئے۔معروف اداکار و میزبان طارق عزیز نیاردو اور پنجابی میں شاعری بھی کی، حکومت پاکستان نے طارق عزیز کو 1992 میں تمغہ حسن کارکردگی سے نوازا، طارق عزیز1997سے 1999تک رکن قومی اسمبلی بھی رہے۔پاکستان ٹیلی ویژن کی یہ پہلی آواز 17جون2020 کو ہمیشہ کے لئے خاموش ہوگئی۔