لیور پول نے20ویں مرتبہ انگلش پریمیئر لیگ کا ٹائٹل جیت لیا

پیر 28 اپریل 2025 16:16

لندن (اُردو پوائنٹ اخبارتازہ ترین - اے پی پی۔ 28 اپریل2025ء) لیور پول کی ٹیم نے انگلش پریمیئر لیگ کا ٹائٹل جیت لیا۔لیورپول نے ای پی ایل کے اپنے 34 ویں میچ میں ٹوٹنہم ہوٹ پور کی ٹیم کو با آسانی 1-5 گول سے ہرا کر 20 ویں مرتبہ ٹائٹل جیتنے کا اعزاز حاصل کرلیا۔اینفلیڈ ،لیورپول میں کھیلے گئے میچ میں چیمپئن ٹیم نے اپنے 34 ویں میچ میں ٹوٹنہم ہوٹ پور کو ایک کے مقابلے میں 5 گول سے ہرایا۔

لیور پول نے بیسویں مرتبہ یہ اعزاز حاصل کیا ہے۔میچ میں میزبان لیور پول نے ٹوٹنہم ہوٹ پور کو آؤٹ کلاس کردیا اور پہلے ہی ہاف میں تین گول سکور کردیے۔لوئس ڈیاز،الیکسس میک الیسٹر،کوڈی گکپو،محمد صلاح اور ڈیسٹنی اڈوگی نے ایک، ایک گول کر کے اپنی ٹیم لیورپول کی فتح میں کلیدی کردار ادا کیا۔

(جاری ہے)

اس جیت کے بعد لیورپول کے 34میچوں کے بعد پوائنٹس کی تعداد 82 ہوگئی جس نے انگلش پریمیئر لیگ کا ٹائٹل بیسویں مرتبہ حاصل کرلیا۔

یوں لیورپول نے 1-5 سے کامیابی حاصل کر کے پوائنٹس کی تعداد 82 کر لی، جبکہ دوسرے نمبر پر موجود آرسنل کے 67 پوائنٹس ہیں۔دونوں ٹیموں کے ابھی چار چار میچز باقی ہیں، لیکن ٹائٹل لیورپول کے نام ہو گیا ہے۔لیور پول پریمیئر لیگ پانچ سال بعد جیتا ہے اور مجموعی طور پر یہ اس کا 20 واں ٹائٹل ہے۔دوسری جانب دفاعی چیمپئن مانچسٹر سٹی نے ناٹنگھم فاریسٹ کو 0-2 گول سے شکست دے کر مسلسل تیسری مرتبہ ایف اے کپ کے فائنل میں پہنچنے کا اعزاز حاصل کرلیا۔اس ایونٹ کا فائنل 17 مئی کو مانچسٹر سٹی اور کرسٹل پیلس کے درمیان کھیلا جائے گا۔\932

Facebook Twitter Google + Share on Whatsapp

لیور پول نے20ویں مرتبہ انگلش پریمیئر لیگ کا ٹائٹل جیت لیا

مزید کھیلوں کی خبریں