اردو ادب کے معروف ناول نگار اے حمیدکی 14ویں برسی 29اپریل منگل کو منائی جائے گی

پیر 28 اپریل 2025 21:08

جہانیاں(اُردو پوائنٹ اخبارتازہ ترین - آن لائن۔ 28 اپریل2025ء) اردو ادب کے معروف ناول نگار اے حمیدکی 14ویں برسی 29اپریل منگل کو منائی جائے گی۔ اے حمید (عبدالحمید) کا شمار اردو کے مقبول ترین کہانی کاروں میں ہوتا ہے۔ انہوں نے دو سو سے زیادہ افسانے، ناول اور ڈرامے لکھے۔اے۔

(جاری ہے)

حمید کا پہلا افسانوی مجموعہ ’منزل منزل‘ کے نام سے شائع ہوا نوے کی دہائی میں انہوں نے بچوں کے لیے ایک سلسلہ وار ڈرامہ ’عینک والاجن‘ کے نام سے لکھا یہ ٹی وی ڈرامہ بے پناہ مقبول ہوا۔

اے حمیدکی تحریر کردہ کتابوں کی تعداد دوسو سے زیادہ ہے۔ ان کی مقبول عام کتابوں میں پازیب،پھر بہار آئی، شہکار، مرزا غالب رائل پارک میں، جہنم کے پجاری، بگولے، دیکھوشہر لاہور، جنوبی ہند کے جنگلوں میں، گنگا کے پجاری ناگ، پہلی محبت کے آنسو، ویران حویلی کا آسیب، اداس جنگل کی خوشبو، چاند چہرے اور گلستان ادب کی سنہری یادیں، خفیہ مشن، وغیرہ شامل ہیں۔اے حمید29اپریل2011ء کو انتقال کر گئے۔

Facebook Twitter Google + Share on Whatsapp

اردو ادب کے معروف ناول نگار اے حمیدکی 14ویں برسی 29اپریل منگل کو منائی جائے گی

متعلقہ عنوان :

مزید فن و فنکار کی خبریں