کوکو گف اور میرا اینڈریوا میڈرڈ اوپن ٹینس ویمنز سنگلز کوارٹر فائنل رائونڈ میں داخل

منگل 29 اپریل 2025 08:40

میڈرڈ (اُردو پوائنٹ اخبارتازہ ترین - اے پی پی۔ 29 اپریل2025ء) امریکا کی نامور ٹینس سٹار، ایونٹ کی فورتھ سیڈڈ اور 2023 کی یو ایس اپون چیمپئن کوکوگف اور روسی ٹینس سٹار میرا اینڈریوا ڈبلیو ٹی اے میڈرڈ اوپن ٹینس ٹورنامنٹ میں خواتین کے سنگلز مقابلوں میں اپنی فتوحات کے سلسلے کو برقرار رکھتے ہوئے کوارٹر فائنل رائونڈ میں پہنچ گئیں ۔ 21 سالہ امریکی ٹینس سٹار کوکوگف نے ویمنز سنگلز مقابلوں کے پری کوارٹر فائنل رائونڈ میں 28 سالہ سوئس حریف کھلاڑی بیلنڈا بینسک کو شکست دی اور ٹاپ ایٹ رائونڈ کے لئے کوالیفائی کیاجبکہ روسی ٹینس کھلاڑی میرا اینڈریوا نے چوتھے رائونڈ میچ میں یوکرین کی حریف کھلاڑی یولیا وولوڈیمیریونا کو شکست دے کر کوارٹر فائنل کے لئے کوالیفائی کیا۔

ڈبلیو ٹی اے کے زیر اہتمام میڈرڈ اوپن کے دلچسپ مقابلے سپین کے دارالحکومت میڈرڈ کے وینیو پارک منزاناریس میں جاری ہیں جس میں شائقین ٹینس کو انتہائی دلچسپ اور کانٹے دار مقابلے دیکھنے کو مل رہے ہیں۔

(جاری ہے)

خواتین کے سنگلز مقابلوں کے پری کوارٹر فائنل رائونڈ کے میچ میں 21 سالہ امریکی ٹینس سٹار کوکوگف نے ویمنز سنگلز مقابلوں کے پری کوارٹر فائنل رائونڈ میں انتہائی شاندار کارکردگی کا مظاہرہ کرتے ہوئے 28 سالہ سوئس حریف کھلاڑی بیلنڈا بینسک کو سٹریٹ سیٹس میں 4-6 اور 2-6 سے شکست دے کر کوارٹر فائنل کے لئے کوالیفائی کیا۔

ایک اور میچ میں روسی ٹینس کھلاڑی میرا اینڈریوا نے چوتھے رائونڈ میچ میں یوکرین کی حریف کھلاڑی یولیا وولوڈیمیریونا کو سٹریٹ سیٹس میں 1-6 اور 4-6 سے ہرا کر کوارٹر فائنل کے لئے کوالیفائی کیا۔ \932