Live Updates

ملتان سلطانز پلے آف مرحلے کی دوڑ سے باہر ہو گئی

لاہور کے قذافی اسٹیڈیم میں کوئٹہ گلیڈی ایٹرز نے سلطانز کو باآسانی شکست دے دی

محمد علی منگل 29 اپریل 2025 22:33

لاہور (اُردو پوائنٹ اخبارتازہ ترین۔ 29 اپریل2025ء) ملتان سلطانز پلے آف مرحلے کی دوڑ سے باہر ہو گئی، لاہور کے قذافی اسٹیڈیم میں کوئٹہ گلیڈی ایٹرز نے سلطانز کو باآسانی شکست دے دی، کوئٹہ کلے اوپننگ بلے بازوں نے 90 رنز کا مطلوبہ ہدف بنا کسی وکٹ کے نقصان کے 7 ویں اوور میں حاصل کر لیا۔ پاکستان سپر لیگ 10 کے سلسلے میں لاہور کے قذافی اسٹیڈیم میں ملتان سلطانز اور کوئٹہ گلیڈی ایٹرز کی ٹیمیں آمنے سامنے آئیں۔

(جاری ہے)

پی ایس ایل 10 کے 18 ویں میچ کا ٹاس کوئٹہ گلیڈی ایٹرز نے جیت لیا جس کے بعد گلیڈی ایٹرز کے کپتان سعود شکیل کا لاہور کی وکٹ پر پہلے فیلڈنگ کرنے کا فیصلہ کیا۔ سلطانز نے کوئٹہ گلیڈی ایٹرز کو انتہائی آسان ہدف دیا، رضوان الیون 89 رنز بنا کر پویلین لوٹ گئی۔ پلے آف مرحلے کی دوڑ میں شامل رہنے کیلئے ملتان سلطانز کیلئے آج کے میچ میں فتح حاصل کرنا لازم تھا۔ 7 میچوں میں 6 شکستوں کے بعد 5 سالوں میں پہلی مرتبہ ملتان سلطانز پلے آف مرحلے تک رسائی حاصل کرنے میں ناکام ہو گئی۔ جبکہ کوئٹہ گلیڈی ایٹرز اب تک 6 میچز میں 4 فتوحات حاصل کر چکی۔