سام سنگ کے سہ ماہی آپریٹنگ منافع میں سالانہ بنیاد پر 1.2 فیصد اضافہ ،حجم 4.6 ارب ڈالر رہا

بدھ 30 اپریل 2025 09:00

سیئول (اُردو پوائنٹ اخبارتازہ ترین - اے پی پی۔ 30 اپریل2025ء) جنوبی کوریا کی ٹیکنالوجی کمپنی سام سنگ نے کہا ہے کہ رواں سال پہلی سہ ماہی (جنوری تا مارچ ) کے دوران اس کے آپریٹنگ منافع میں سالانہ بنیاد پر 1.2 فیصد اضافہ ہوا جس کی وجہ سمارٹ فونز کی فروخت میں اضافہ ہے۔

(جاری ہے)

اے ایف پی نے سام سنگ کی تازہ ترین رپورٹ کے حوالے سے بتایا کہ پہلی سہ ماہی کے دوران کمپنی کا آپریٹنگ منافع 6.68 ٹریلین وان (4.6 ارب ڈالر ) رہا جو 2024 کے اسی عرصے کے مقابلے میں 1.2 فیصد زیادہ ہے۔سہ ماہی کے دوران سمارٹ فونز کی سیل کا حجم 79.14 ٹریلین وان رہا جو 2024 کی پہلی سہ ماہی کے مقابلے میں 10 فیصد زیادہ ہے۔