روشن ڈیجیٹل اکائونٹ سے صنعتوں کے قیام کیلئے آنے والی ترسیلات زر کو مکمل ٹیکس چھوٹ دی جائے

اوورسیز پاکستانیوں کے سرمائے کو مکمل تحفظ فراہم کیا جائے ' وفد کی لارج ٹیکس پیئرزیونٹ لاہور کے چیف کمشنر سے ملاقات

اتوار 4 مئی 2025 11:15

لاہور(اُردو پوائنٹ اخبارتازہ ترین - این این آئی۔ 04 مئی2025ء)روشن ڈیجیٹل اکائونٹ سے آنے والی ترسیلات زر سے لگنے والی صنعتوں کو دس سال کے لیے مکمل ٹیکس چھوٹ دی جائے تاکہ اوورسیز پاکستان میں سرمایہ کاری کریں ،اوورسیز پاکستانیوں کے سرمائے کو مکمل تحفظ فراہم کیا جائے ،بروقت انصاف کی فراہمی کے لیے کمرشل کورٹس کا قیام عمل میں لاکر انہیں فوری فعال کیا جائے ۔

(جاری ہے)

یہ تجاویز ماہر ین ٹیکس امور و معاشیات عاشق علی رانا ،اسحاق بریار،قاری زوہیب الرحمن زبیری،شیخ عدیل،یاسر اکرم قریشی،تابش علی جاوید میو اور دیگر نے لارج ٹیکس پیئرزیونٹ لاہور کے چیف کمشنر سجاد تسلیم اعظم کو ملاقات میں پیش کیں۔انہوںنے کہا کہ آئی ٹی سیکٹر میں سرمایہ کاری کے لیے ملکی اورغیر ملکی سرمایہ کاروں کو ٹیکسیشن میں ریلیف دیا جائے،رئیل اسٹیٹ سے وابستہ کنٹریکٹرز،بلڈرز،ڈویلپرزسے کئی طرح کے وصول کئے جانے والے ٹیکسز کی بجائے صرف 5فیصد خرید و فروخت پر ٹیکس وصولی کو یقینی بنا کر پراپرٹی سیکٹر کو اندھیروں سے نکالا جا سکتا ہے کیونکہ رئیل اسٹیٹ سیکٹر سے 50سے زائد شعبے جڑے ہوئے ہیں۔ ترسیلات زر کی حد 5ملین سے بڑھا کر 10 ملین کی جائے۔