سیالکوٹ، کاشتکاروں کو سونف کی کٹائی میں احتیاط برتنے کی ہدایت

بدھ 14 مئی 2025 16:47

سیالکوٹ (اُردو پوائنٹ اخبارتازہ ترین - اے پی پی۔ 14 مئی2025ء) محکمہ زراعت سیالکوٹ نے کاشتکاروں کو سونف کی کٹائی میں احتیاط برتنے کی ہدایت کی ہے۔ ترجمان نے کہا ہے کہ سونف کے پودے کو ایک ہی وقت میں کاٹنے کی بجائے اس کے گچھوں کو علیحدہ علیحدہ کاٹنا چاہیں ۔سونف کی کٹائی اس وقت شروع کی جائے جب سونف کا پودا اپنا قد پورا کر چکا ہو اور گچھوں میں دانے زر دی مائل ہو جائیں۔

انہوں نے کہا کہ سونف کا پودا جھاڑی نما ہونے کے علاوہ 3سے5 فٹ تک اونچا ہوتا ہے۔

(جاری ہے)

ر واں ماہ سونف کے بیجوں کے گچھے پک کر تیار ہو جاتے ہیں اس لئے ان کی کٹائی میں خاص احتیاط برتنی چاہیے۔ انہوں نے بتا یا کہ جو گچھے پہلے پک جائیں انہیں پہلے کاٹ لیا جائے اور بعد میں پکے ہوئے گچھوں کو بعد میں ہی کاٹا جائے۔انہوں نے کہا کہ کاشتکاروں کو چاہیے کہ وہ کٹے ہوئے سونف کے گچھوں کو ٹاٹ پر بچھا کر سائے میں خشک کر لیں اور 2سے 3روز کے وقفہ کے دوران ان کو الٹاتے پلٹاتے رہیں اور جب تمام گچھے اچھی طرح خشک ہو جائیں تو بیج کو چھڑیوں سے الگ کر کے محفوظ کر لیا جائے۔انہوں نے بتا یاکہ اس ضمن میں مزید معلومات محکمہ زراعت کے فیلڈ سٹاف سے بھی حاصل کی جا سکتی ہیں۔

Facebook Twitter Google + Share on Whatsapp

سیالکوٹ، کاشتکاروں کو سونف کی کٹائی میں احتیاط برتنے کی ہدایت

مزید زراعت کی خبریں