مائیکروسافٹ کیلئے اے آئی سسٹم بنانے والے انجینئرز کو کمپنی نے ہی نوکری سے نکال دیا

جمعہ 23 مئی 2025 15:08

نیویارک (اُردو پوائنٹ اخبارتازہ ترین - این این آئی۔ 23 مئی2025ء)مائیکروسافٹ کی حالیہ چھانٹیوں نے سب سے زیادہ اثر سافٹ ویئر انجینئرز پر ڈالا ہے، حالانکہ کمپنی تیزی سے اے آئی یعنی مصنوعی ذہانت پر مبنی کوڈنگ کی طرف بڑھ رہی ہے۔

(جاری ہے)

امریکی ٹی وی کی رپورٹ کے مطابق، کمپنی نے دنیا بھر میں تقریبا 6,000 ملازمین کو فارغ کیا، جن میں سے واشنگٹن ریاست میں 40 فیصد سے زیادہ سافٹ ویئر انجینئرز تھے۔ ان میں سے کئی انجینئرز کو مہینوں پہلے ہدایت دی گئی تھی کہ وہ AI ٹولز سے زیادہ سے زیادہ مدد لیں، اور جب ان ٹولزکو استعمال کرتے ہوئے انہوں نے بہترین کارکردگی دکھائی، تو انہی انجینئرز کو نوکری سے نکال دیا گیا۔