اقوام متحدہ نے غزہ میں امدادی مراکز پرعوامی ہجوم کی تصاویرکودل دہلا دینے والامنظرقرار دیدیا

بدھ 28 مئی 2025 14:24

نیویارک(اُردو پوائنٹ اخبارتازہ ترین - این این آئی۔ 28 مئی2025ء)اقوام متحدہ کے سیکریٹری جنرل انتونیو گوتریس کے ترجمان نے غزہ میں امدادی مراکز پر عوام کے بے قابو ہجوم کی وڈیوز اور تصاویر کو افسوسناک اور دل دہلا دینے والا منظر قرار دیا ہے۔

(جاری ہے)

میڈیارپورٹس کے مطابق ترجمان اسٹیفن ڈوجاریک نے ایک بیان میں کہا کہ ہم نے غزہ سے موصول ہونے والی وہ وڈیو دیکھی ہے جس میں ایک امدادی مرکز کے باہر ہزاروں افراد کی بھیڑ لگی ہے، جو غزہ ہیومینیٹیرین فانڈیشن کے زیرِ اہتمام ہے۔

سچ کہوں تو یہ مناظر نہایت افسوسناک ہیں۔انہوں نے مزید کہا کہ اقوام متحدہ کے سیکریٹری جنرل پہلے ہی یہ واضح کر چکے ہیں کہ اقوام متحدہ اور اس کے شراکت دار اداروں کے پاس ایک جامع اور عملی منصوبہ موجود ہے، جسے رکن ممالک کی حمایت بھی حاصل ہے، تاکہ امداد متاثرہ افراد تک مثر انداز میں پہنچائی جا سکے۔