ٹک ٹاک نے ’فار یو فیڈ‘ کی انفرادیت اور حفاظت کے لئے نئے ٹولز متعارف کرا دئیے

اسلام آباد (اُردو پوائنٹ اخبارتازہ ترین - اے پی پی۔ 04 جون2025ء) ٹک ٹاک کانٹنٹ کو ذاتی پسندیدگی کے قابل بنانے کے لئے نئے ٹولز متعارف کرا رہا ہے جو صارفین کو ان کی ’فار یو فیڈ‘ (FYF) پر مزید کنٹرول فراہم کرتے ہیں۔ یہ اپڈیٹس ٹک ٹاک کے صارفین کو بااختیار بنانے کے جاری عزم کا حصہ ہیں جن کا مقصد لوگوں کو اپنی دلچسپیوں کو مزید گہرائی سے دریافت کرنے، ناپسندیدہ کانٹنٹ کو محدود کرنے، اور اس بات کو بہتر طور پر سمجھنے میں مدد دینا ہے کہ سفارشات کا نظام کیسے کام کرتا ہے۔

’فار یو فیڈ‘ (FYF) ٹک ٹاک کے تجربے کا مرکزی حصہ ہے جو لوگوں کو اُس کا نٹنٹ، کمیونٹیز، اور کری ایٹرز کے ساتھ جوڑتی ہے جنہیں وہ پسند کرتے ہیں، بڑھانے میں مدد دی ہے۔ بدھ کو جاری بیان کے مطابق ٹک ٹاک ’مینج ٹاپکس (Manage Topics) ‘کے نام سے بھی ایک نیا فیچر متعارف کر رہا ہےجو صارفین کو یہ سہولت دیتا ہے کہ وہ اپنی فیڈ میں کری ایٹو آرٹس، سیاحت، فطرت، کھیلوں سمیت 10 سے زائد مقبول زُمروں سے متعلق ویڈیوز کی موجودگی کی تعداد کو ایڈجسٹ کر سکیں۔

(جاری ہے)

ٹک ٹاک سمارٹ کی ورڈ فلٹرزبھی متعارف کرا رہا ہے ۔ یہ اے آئی پر مبنی ایک جدید ٹول ہے جو پہلے سے موجود کی ورڈ فلٹرز کو مزید مؤثر بناتا ہےاور جن کی مدد سے، دنیا بھر میں، 200 ملین سے زائد الفاظ کو بلاک کیا جا چکا ہے۔ ورڈ فلٹرز کی حد کو 100 سے بڑھا کر 200 الفاظ کر دے گا اور بلک ایڈیٹنگ جیسے فیچرز بھی متعارف کرائے گا،شفافیت کو مزید بہتر بنانے کے لئے ٹک ٹاک ایک تعلیمی رہنما بھی شائع کر رہا ہے جو ’فار یو فیڈ‘ (FYF) کو سمجھنے اور منظم کرنے کے لیے مختلف ٹولز اور مشوروں کو یکجا کرتا ہے۔

یہ ٹک ٹاک کی اس مسلسل کوشش کا حصہ ہے جس کا مقصد صارفین کو یہ سمجھنے میں مدد دینا ہے کہ ’فار یو فیڈ‘ کس طرح کام کرتی ہے۔اس تعلیمی رہنما میں وہ فیچرز بھی شامل ہیں جو یہ واضح کرتے ہیں کہ کسی ویڈیو کو آپ کی فیڈ میں کیوں تجویز کیا گیا ہے، اور ساتھ ہی ایسے تعلیمی ویڈیوز بھی شامل ہیں جنہیں دنیا بھر میں 180 ملین سے زائد بار دکھا جا چکا ہے۔

اس بارے میں ٹک ٹاک کے ایک ترجمان نے کہا کہ ”فور یو فیڈ ہی وہ چیز ہے جو ٹک ٹاک کو ایک منفرد جگہ بناتی ہے جہاں آپ اپنی پسندیدہ نئی دلچسپیاں تلاش کر سکتے ہیں یا ایک کامیاب کمیونٹی بنا سکتے ہیں۔ ہمیں خوشی ہے کہ ہم ایسے ٹولز اور وسائل میں اضافہ کر رہے ہیں جو لوگوں کو محفوظ ماحول میں اپنے پسندیدہ کانٹنٹ ، کری ایٹرز، اور مشاغل دریافت کرنے میں مدد دیتے ہیں جو خاص طور پر ان کے لئے ترتیب دیا گیا ہے۔

کانٹنٹ کی ذمہ دارانہ سفارش یہ تمام اپ ڈیٹس نوجوان اور بالغ دونوں اقسام کے اکاؤنٹس کے لئے متعارف کرائی جائیں گی اور اُن ٹولز اور حفاظتی اقدامات کو مزید مضبوط کریں گی جو لوگوں کو ٹک ٹاک پر بہترین ’فار یو فیڈ‘ تجربہ فراہم کرتے ہیں۔ ان میں درج ذیل شامل ہیں۔فار یو فیڈ‘کے لئے سخت اہلیت کے معیار لاگو کرنا تاکہ ایسا کانٹنٹ محدود کیا جا سکے جو عام ناظرین کے لئے مناسب نہیں ہے، اور ’ کانٹنٹ لیولز‘ کے ذریعے نوجوانوں تک ایسے کانٹنٹ کی رسائی روکنے کی کوشش کرنا جو بالغ یا پیچیدہ موضوعات پر مشتمل ہو۔

یہ تمام اپ ڈیٹس مل کر ٹک ٹاک کے اُس مسلسل عزم کی عکاسی کرتی ہیں کہ صارفین کو بامعنی دریافت کے مواقع فراہم کیے جائیں اور انہیں اپنے تجربے پر مزید کنٹرول اور شفافیت دی جائے۔