ہالی ووڈ نے کلاسک فلم دی وزرڈ آف اوز کو جدید ٹیکنالوجی سے زندہ کر دیا

اے آئی کے استعمال سے سجی فلم 28اگست کو نئے انداز میں لاس ویگاس کے تفریحی مرکز میں پیش کی جائے گی

ہفتہ 23 اگست 2025 12:53

ہالی ووڈ نے کلاسک فلم دی وزرڈ آف اوز کو جدید ٹیکنالوجی سے زندہ کر دیا

نیویارک(اُردو پوائنٹ اخبارتازہ ترین - این این آئی۔ 23 اگست2025ء)ہالی ووڈ نے کلاسک فلم دی وزرڈ آف اوز کو جدید ٹیکنالوجی سے دوبارہ زندہ کر دیا، اے آئی کے استعمال سے سجی فلم اب نئے انداز میں لاس ویگاس کے تفریحی مرکز میں پیش کی جائے گی۔تین فٹبال اسٹیڈیمز کے برابر اور 22منزلہ اونچا ایل ای ڈی وال ناظرین کیلئے فلم کو حقیقت جیسے ماحول میں لے جائے گا۔

(جاری ہے)

1939کی مشہور کلاسک فلم دی وزرڈ آف اوز اب نئے انداز میں ناظرین کو اپنے سحر میں جکڑںے آرہی ہے، لاس ویگاس کے مشہور تفریحی مرکز دی اسفیئر میں 28اگست کو پیش کی جائے گی، لیکن یہ بات صرف اتنی نہیں،اس بار فلم میں جدید ٹیکنالوجی اور اے آئی کا استعمال کیا گیا ہے۔یہ پروجیکٹ وارنر برادرز اور گوگل کی جدید پیشکش ہے۔ شو کے دوران ناظرین 1لاکھ 60ہزار مربع فٹ کی ایل ای ڈی وال پر مناظر سے لطف اندوز ہوں گے، جبکہ یہ ویڈیو وال 22منزلہ عمارت جتنی اونچی بھی ہے، اس ماحول میں فلم دیکھنا ناظرین کو ایک نئی دنیا میں لے جائے گا۔یہ منصوبہ اس رجحان کو اجاگر کرتا ہے کہ مستقبل میں فلمیں صرف دیکھنے کی چیز نہیں رہیں گی بلکہ ناظرین انہیں محسوس اور جی سکیں گے۔