عید الاضحی کے ایام میں ریسکیو1122 فیصل آباد نے 969 افراد کو مدد فراہم کی

پیر 9 جون 2025 14:10

فیصل آباد (اُردو پوائنٹ اخبارتازہ ترین - اے پی پی۔ 09 جون2025ء) عید الاضحی کے ایام میں ریسکیو1122 فیصل آباد نے 969 افراد کو مدد فراہم کی۔ تفصیلات کے مطابق ریسکیو 1122 فیصل آباد نے فیصل آباد، تحصیل سمندری، جڑانوالا، تاندلیانوالا اور چک جھمرہ میں ذمداری سے خدمات فراہم کیں، ترجمان زاہد لطیف نے بتایا کہ ضلع بھر میں 700 سے زائد ریسکیو اہلکار وں نے مختلف مقامات پر ڈیوٹی سر انجام دے رہے ہیں۔

(جاری ہے)

گزشتہ دو روز کے دوران روڈ ٹریفک ایکسیڈنٹ کے228 واقعات پیش آئے۔میڈیکل ایمرجنسی کی 562 اور آگ لگنے کی 19 ایمرجنسی کالز موصول ہوئیں۔ دو روز کے دوران مختلف ایمرجنسیز میں 969 افراد کو ریسکیو کیا گیا۔