رسہ کشی کے سنسنی خیز مقابلہ میں شادی شدہ نے کنواروں کو شکست دیدی

پیر 9 جون 2025 17:50

نارووال (اُردو پوائنٹ اخبارتازہ ترین - این این آئی۔ 09 جون2025ء)رسہ کشی کے سنسنی خیز مقابلہ میں شادی شدہ نے کنواروں کو شکست دیدی ۔بتایا گیا ہے کہ نواحی گائوں بصرا جالا میں سالانہ عید میلہ منعقد ہوا،اس موقع پر رسہ کشی کا مقابلہ شادی شدہ اور کنواروں کے درمیان ہوا۔

(جاری ہے)

رسہ کشی کے دلچسپ مقابلہ میں شادی شدہ ٹیم کا تجربہ کام آ گیا اور انہوں نے کنواروں کی ایک نہ چلنے دی اور یوں شادی شدہ نے یہ میچ اپنے نام کر لیا۔

رسہ کشی کے کانٹے دار مقابلے میں جیتنے والی شادی شدہ ٹیم کو مہمانان گرامی کی طرف سے ایک لاکھ روپے نقد بمہ ٹرافی اور دوسرے نمبر پر آنے والی کنواروں کی ٹیم کو 50 ہزار روپے نقد بمعہ ٹرافی انعام دیا گیا۔اس موقع پر تماشائیوں کی بہت بڑی تعداد موجود تھی جنہوں نے دونوں ٹیموں کو بھر پور داد دی۔