سیالکوٹ، باغات کو پھل کی مکھی کے حملہ سے محفوظ رکھنے کے لئے حفاظتی اقدامات کرنے کی ہدایت

بدھ 11 جون 2025 15:45

سیالکوٹ (اُردو پوائنٹ اخبارتازہ ترین - اے پی پی۔ 11 جون2025ء) محکمہ زراعت نے باغبانوں کو اپنے باغات کو پھل کی مکھی کے حملہ سے محفوظ بنانے کے لئے بروقت حفاظتی اقدامات کرنے کی ہدایت کی ہے۔

(جاری ہے)

اسسٹنٹ ڈائریکٹر پیسٹ وارننگ و کوالٹی کنٹرول آف پیسٹی سائیڈز محکمہ زراعت پلانٹ پروٹیکشن ڈاکٹر زوہیب احمد نے نےاے پی پی سے گفتگو کرتے ہوئے کہا ہے کہ پھل کی مکھی آم کے لئے نقصان دہ ہے اس کا حملہ آم کی تمام اقسام پر ہوتاہے۔

پھل کی مکھی کے حملہ سے آم کی پیداوار اورکوالٹی بُری طرح متاثر ہوتی ہے۔باغبان حضرات اپنے باغات کو اس کے حملہ سے محفوظ بنانے کے لئے بروقت حفاظتی اقدامات کریں۔انہوں نے کہا کہ آم کے پھل کی مکھی کے تدارک کے لئے موجودہ تمام طریقوں کو مربوط کرکے استعمال کرنے کی ہدایت کرتے ہوئے کہا کہ ایک طریقہ دوسرے طریقے کو مضبوط کرے اور باغبان اپنے نقصان ممکن حدتک کم سے کم رکھیں۔