مراکش کشتی حادثے میں ملوث اشتہاری انسانی سمگلر مصر سے گرفتار

 گوجرانوالہ(اردوپوائنٹ اخبار تازہ ترین۔11جون 2025)ایف آئی اے نے کارروائی کرتے ہوئے مراکش کشتی حادثے میں ملوث اشتہاری انسانی سمگلر کو مصر سے گرفتار کرلیا،عمران عرف ٹونی کو انٹرپول کی معاونت سے گرفتارکیا گیا، ٹونی انسانی سمگلنگ میں ملوث بین الاقوامی نیٹ ورک کا حصہ اور 2023 میں پیش آنے والے یونان کشتی حادثے کا مرکزی ملزم ہے، ترجمان ایف آئی اے کے مطابق ملزم عمران ٹونی سال 2023میں یونان کشتی حادثے کا مرکزی ملزم ہے۔

ملزم کو مصر سے گرفتارکرکے ضروری قانونی کارروائی کے بعد گوجرانوالہ منتقل کردیا گیاہے۔ملزم سے تفتیش شروع کر دی گئی ہے۔ ایف آئی اے کے حکام کے مطابق ملزم 2012 سے لیبیا سے آپریٹ کر رہا تھا۔ ملزم سیف ہاوسز کے نیٹ ورک کے ذریعے انسانی سمگلنگ کی سہولت کاری کرتا تھا۔

(جاری ہے)

ملزم شہریوں کو سمندر کے راستے لیبیا سے یورپ بھجوانے میں ملوث ہے۔ملزم سیف ہاوسز کے نیٹ ورک کے ذریعے انسانی سمگلنگ کی سہولت کاری کرتا تھا۔

ملزم شہریوں کو سمندر کے راستے لیبیا سے یورپ بھجوانے میں ملوث ہے۔ایف آئی اے ترجمان کا مزید کہنا ہے کہ ملزم نے شہریوں کو غیرقانونی طریقے سے بیرون ملک بھجوانے کیلئے لاکھوں روپے ہتھیائے۔ ملزم کیخلاف غیرقانونی انسانی سمگلنگ کے الزام میں متعدد مقدمات درج ہیں۔خیال رہے کہ اس سے قبل وفاقی تحقیقاتی ادارہ (ایف آئی اے) نے پنجاب کے ضلع گوجرانوالہ میں انسانی اسمگلروں کے خلاف بڑی کاروائی کرتے ہوئے مراکش کشتی حساثے میں ملوث سمگلر سمیت 3 ملزمان کو گرفتار کرلیاتھا۔

ملزم وقاص اشرف مراکش کشتی حادثے میں ملوث پایا گیا اور ان کو چھاپہ مار کارروائی کے دوران سمبڑیال سے گرفتار کیا گیا تھا۔ ملزم نے دیگر ساتھیوں کے ساتھ مل کر متاثرہ عامرعلی کو اسپین بھجوانے کی کوشش کی تھی۔ایف آئی اے ترجمان کے مطابق ملزمان کی جانب سے متاثرہ کو پہلے موریطانیہ بھجوایا گیا تھا۔ ملزمان نے دیگر ساتھیوں کے ساتھ مل کر متاثرہ کو کشتی کے ذریعے اسپین سمگلنگ کی کوشش کی اورکشتی حادثے کے نتیجے میں متعدد پاکستانی جاں بحق ہوئے تاہم کشتی حادثے میں متاثرہ کو مراکش حکام نے ریسکیو کیا گیا تھا۔

ترجمان ایف آئی اے کا کہنا تھا کہ متاثرہ عامر علی کا نام وزارت خارجہ کی جانب سے جاری کردہ فہرست میں شامل تھا۔ ملزمان نے متاثرہ کو بیرون ملک بھجوانے کیلئے ان کے اہل خانہ سے 53 لاکھ 50 ہزار روپے ہتھیائے تھے۔ایف آئی اے کے ترجمان نے بتایا کہ دیگر 2 کارروائیوں میں ملزم رانا محمد فرحان کو ڈسکہ اور ملزم محمد عدیل کو کامونکی سے گرفتار کیا گیا تھا۔

ملزم فرحان نے شہری کو اٹلی ملازمت کی غرض سے بھجوانے کیلئے 27 لاکھ روپے لئے تھے۔ترجمان نے بتایا کہ محمد عدیل نے ایک شہری کو مسقط ملازمت کی غرض سے بھجوانے کیلئے 5 لاکھ روپے سے زائد وصول کئے تھے۔ ملزمان شہریوں کو بیرون ملک بھجوانے میں ناکام رہے اور روپوش ہو گئے تھے۔ ملزمان کو گرفتار کر کے تفتیش کا آغاز کر دیا گیا تھا۔