چائلڈ لیبر ایک تلخ حقیقت ہے، چائلڈ لیبر لاکھوں بچوں کا بچپن اور مستقبل چھین لیتی ہے، روبینہ خالد

جمعرات 12 جون 2025 16:06

اسلام آباد (اُردو پوائنٹ اخبارتازہ ترین - این این آئی۔ 12 جون2025ء)چیئرپرسن بی آئی ایس پی روبینہ خالد نے کہا ہے کہ چائلڈ لیبر ایک تلخ حقیقت ہے، چائلڈ لیبر لاکھوں بچوں کا بچپن اور مستقبل چھین لیتی ہے۔ چائلڈ لیبر ڈے پر اپنے پیغام میں انہوںنے کہاکہ چائلڈ لیبر ایک تلخ حقیقت ہے، چائلڈ لیبر لاکھوں بچوں کا بچپن اور مستقبل چھین لیتی ہے۔ انہوںنے کہاکہ یہ بچے پڑھائی کے بجائے مشقت پر مجبور ہیں، انہیں سیکھنے اور بڑھنے کے مواقع سے محروم کر دیا جاتا ہے۔

(جاری ہے)

روبینہ خالد نے کہاکہ یہ ہماری اجتماعی ذمہ داری ہے کہ ان کے حقوق کا تحفظ کریں، اس بات کو یقینی بنائیں کہ ہمارے ملک کے بچے بہتر تعلیم حاصل کریں۔ روبینہ خالد نے کہاکہ بینظیر انکم سپورٹ پروگرام بہت سے بچوں کی بہتر تعلیم کے لئے مواقع فراہم کرتا ہے ۔ انہوںنے کہاکہ بچوں کو معیاری تعلیم اور پیشہ ورانہ مہارتوں تک رسائی فراہم کرکے ہم ان کو بااختیار بنا سکتے ہیں۔ انہوںنے کہاکہ ہمیں مل کر ایک ایسا معاشرہ بنانا ہوگا جہاں ہر بچہ ایک محفوظ ماحول میں سیکھ سکے اور بڑھ سکے، تعلیم ہر بچے کا حق ہے، اور یہ ہمارا فرض ہے کہ وہ اسے حاصل کریں۔

Facebook Twitter Google + Share on Whatsapp

چائلڈ لیبر ایک تلخ حقیقت ہے، چائلڈ لیبر لاکھوں بچوں کا بچپن اور مستقبل چھین لیتی ہے، روبینہ خالد

متعلقہ عنوان :

مزید اہم خبریں