انٹرنیشنل اٹامک انرجی ایجنسی کی اسرائیلی حملے میں ایران کے شہر اصفہان میں جوہری تنصیب کو نقصان پہنچنے کی تردید

فورڈو میں ایندھن کی افزودگی کا پلانٹ بھی متاثر نہیں ہوا،سرائیل کے حملوں سے شہر اصفہان میں جوہری تنصیب پر کوئی نقصان نہیں ہوا، الجزیرہ ٹی وی رپورٹ

فیصل علوی جمعہ 13 جون 2025 13:10

انٹرنیشنل اٹامک انرجی ایجنسی کی اسرائیلی حملے میں ایران کے شہر اصفہان ..

نیویارک(اردوپوائنٹ اخبار تازہ ترین۔13جون 2025)انٹرنیشنل اٹامک انرجی ایجنسی (آئی اے ای اے) نے اسرائیلی حملے میں ایران کے شہر اصفہان میں جوہری تنصیب کو نقصان پہنچنے کی تردید کر دی، فورڈو میں ایندھن کی افزودگی کا پلانٹ بھی متاثر نہیں ہوا،قطری نشریاتی ادارے الجزیرہ کی رپورٹ کے مطابق آئی اے ای اے نے بتایا کہ اس نے ایرانی عہدیداروں کے ساتھ بات چیت کے ذریعے معلوم کیا ہے کہ اسرائیل کے حملوں سے شہر اصفہان میں جوہری تنصیب پر کوئی نقصان نہیں ہوا۔

اسرائیل نے ایران کے خلاف فضائی حملوں کے دوران درجنوں جوہری پروگرام اور دیگر عسکری اہداف کو نشانہ بنایا گیا تھا۔دارالحکومت تہران کے شمال مشرقی علاقے میں بھی دھماکوں کی زور دار آوازیں سنی گئیں تھیں۔ ایرانی میڈیا نے دارالحکومت تہران کے شمالی، مغربی اور وسطی علاقوں پر حملے کی تصدیق کر دی تھی۔

(جاری ہے)

خیال رہے کہ اس سے قبل اسرائیل نے ایران کے خلاف باقاعدہ جنگ کا آغاز کرتے ہوئے فضائی حملوں میں جوہری تنصیبات اور 6 فوجی ادون کو نشانہ بنایا گیاتھا۔

ایرانی میڈیا کے مطابق ایرانی جوہری تنصیات پر ہونے والے اسرائیلی حملوں میں 6 سائنسدان شہید ہوئے تھے۔ ایرانی میڈیا کا کہنا تھا کہ اسرائیلی حملے میں جوہری سائنسدان احمد رضا ذوالفقاری جاں بحق ہوئے تھے۔ آزاد ہونیورسٹی کے سربراہ اور جوہری سائنسدان محمد مہدی تہرانچی بھی حملے میں جاں بحق ہوئے تھے ہوئے تھے۔ ایرانی میڈیا کے مطابق اسرائیلی حملوں میں جوہری ایجنسی کے سابق ڈائریکٹر فریدون عباسی بھی اور عبدالحمید منوچہر بھی جاں بحق ہوئے تھے۔

اس کے علاوہ اسرائیلی حملوں میں جاں بحق ہونے والے سائنسدانوں میں سید امیرحسین فقیہی اور مطّلبیآزادہ بھی شامل تھے۔ ایرانی میڈیا نے دارالحکومت تہران کے شمالی، مغربی اور وسطی علاقوں پر حملے کی تصدیق کر دی تھی۔ایرانی صدر ڈاکٹر مسعود پزشکیان کابھی کہنا تھا کہ اپنے ایٹمی حقوق سے ایک قدم بھی پیچھے نہیں ہٹیں گے، یورینیم کی افزودگی کا سلسلہ جاری رہے گا۔

دوسری جانب اسرائیل نے دعویٰ کیا تھا کہ تہران کے جوہری تنصیبات اور فوجی اہداف کو نشانہ بنا گیاتھا۔ ایران سے اب کوئی ایٹمی خطرہ نہیں رہا تھا۔اسرائیلی فوجی عہدیدار کا کہنا تھا کہ ایران کے پاس چند دنوں میں 15 جوہری بم بنانے کیلئے کافی مواد موجود تھا۔ اسرائیل یقینی بنارہا تھا کہ ایران کے پاس جوہری ہتھیار نہ ہوں۔اسرائیلی فوج نے یہ بھی کہاتھا کہ ایران پر حملے کا پہلا مرحلہ مکمل کر لیا گیاتھا۔حملے میں ایران کے جوہری اہداف سمیت درجنوں فوجی اہداف شامل تھے۔ ایران کے ساتھ جنگ دو ہفتے جاری رہ سکتی تھی۔