معروف قانون دان اورسیاسی و سماجی رہنما صائمہ عامر خان کا عافیت سنٹر اولڈ ایج ہوم میں بے سہارا بزرگوں کے اعزاز میں عید ملن ظہرانے کا اہتمام

جمعہ 13 جون 2025 19:23

ملتان (اُردو پوائنٹ اخبارتازہ ترین - اے پی پی۔ 13 جون2025ء) معروف قانون دان اور سیاسی و سماجی رہنما صائمہ عامر خان نے عافیت سنٹر اولڈ ایج ہوم میں بے سہارا بزرگوں کے اعزاز میں عید ملن ظہرانے کا اہتمام کیا ۔ اس موقع پر صائمہ عامر ایڈوکیٹ نے سماجی رفقا کے ہمراہ سارا دن بے سہارا بزرگوں کے ساتھ گزارا، ان کے مسائل دریافت کیے اور ان کے لئے پر تکلف ظہرانے کا بھی اہتمام کیا۔

اس موقع پر صائمہ عامرخان، سماجی رہنما و صدر شعور ترقیاتی تنظیم شاہد محمود انصاری نے اظہار خیال کرتے ہوئے کہا کہ بزرگ ہمارے معاشرے کا انمول سرمایہ ہیں،ہمیں اپنے بزرگوں کا احترام کرنا چائیے اور ان کو درپیش تمام مسائل حل کرنے چائیں،لوگوں اور اداروں کو بھی اس کارخیر میں اپنا حصہ ملانا چائیے۔

(جاری ہے)

صائمہ عامر خان اور صدر شعور ترقیاتی تنظیم شاہد محمود انصاری نے محکمہ سوشل ویلفیئر خاص طور پر اسسٹنٹ ڈائریکٹر و انچارج اولڈ ایج ہوم نند لال کو عافیت سنٹر اولڈ ایج ہوم میں مقیم بزرگوں کی دستیاب وسائل سے حقیقی دیکھ بھال کرنے پر دیگر آفیسرز اور سٹاف کی خدمات کو بھی سراہا ۔

اس موقع پر سماجی رہنما ملک امیر نواز، مسز تسلیم اشتیاق، اسسٹنٹ ڈائریکٹر و انچارج اولڈ ایج ہوم نند لال، شاہینہ طلعت ،چوہدری منصور احمد ایڈووکیٹ ،اقبال خان بلوچ ،ملک تصورحیات و دیگر نے بھی خطاب کیا۔اس موقع پر شریک بزرگوں نے میزبان سمیت تمام منتظمین کی خیر و سلامتی کیلئے خصوصی دعا کی ۔

Facebook Twitter Google + Share on Whatsapp

معروف قانون دان اورسیاسی و سماجی رہنما صائمہ عامر خان کا عافیت سنٹر اولڈ ایج ہوم میں بے سہارا بزرگوں کے اعزاز میں عید ملن ظہرانے کا اہتمام

متعلقہ عنوان :

مزید قومی خبریں