پولیس کی کارروائیاں، خاتون سمیت 7 افراد گرفتار ،ساڑھی11 کلو سے زائد منشیات برآمد

ہفتہ 14 جون 2025 03:30

راولپنڈی(اُردو پوائنٹ اخبارتازہ ترین - این این آئی۔ 14 جون2025ء)راولپنڈی پولیس نے منشیات کیخلاف موثر کریک ڈاؤن میں خاتون سمیت 7 افراد گرفتار کر کے ساڑھی11 کلو سے زائد منشیات برآمد کرلی۔

(جاری ہے)

تفصیلات کے مطابق پیرودھائی پولیس نے خاتون سمیت دو ا فراد کو گرفتار کر کے 1 کلو 100 گرام آئس اور 1 کلو 780 گرام چرس برآمد کی، وارث خان پولیس نے تین افراد کو گرفتار کر کے 5 کلو 730 گرام چرس برآمد کی، نصیر آباد پولیس نے ایک فرد کو گرفتار کر کے 1 کلو 520 گرام چرس برآمد کی، چکلالہ پولیس نے ایک فرد کو گرفتار کر کے 1 کلو 400 گرام چرس برآمد کر کے الگ الگ مقدمات درج کر لیے، سی پی او سید خالد ہمدانی کا کہنا تھا کہ منشیات کے ناسور کے خاتمے کے لیے تمام اقدامات کیے جا رہے ہیں۔