ایران نے موساد کیلئے جاسوسی کے الزام میں ایک شخص کو پھانسی دیدی

جاسوسی کے الزام میں پھانسی چڑھائے گئے شخص کا نام اسماعیل فکری ہے،ایرانی میڈیا

پیر 16 جون 2025 17:08

ایران نے موساد کیلئے جاسوسی کے الزام میں ایک شخص کو پھانسی دیدی

تہران (اُردو پوائنٹ اخبارتازہ ترین - این این آئی۔ 16 جون2025ء)ایران میں اسرائیل کی انٹیلی جنس ایجنسی موساد کے لیے جاسوسی کے الزام میں ایک اور شخص کو سزائے موت دے دی گئی۔ایرانی میڈیا کے مطابق موساد کے لیے جاسوسی کے الزام میں پھانسی چڑھائے گئے شخص کا نام اسماعیل فکری ہے۔

(جاری ہے)

ایرانی میڈیا نے کہا کہ حالیہ ہفتوں میں اسرائیل کے لیے جاسوسی کے الزام میں پھانسی کا یہ تیسرا واقعہ ہے۔واضح رہے کہ ایران اور اسرائیل کے درمیان جاری کشیدگی تاحال جاری ہے، ایران نے اسرائیلی حملوں کے جواب میں گزشتہ شب اسرائیل کے مختلف شہروں میں ڈرونز اور میزائلوں سے حملہ کیا تھا۔