بحیرہ عمان میں تیل بردار جہاز سے عملے کے 24 افراد کا کامیاب انخلا

منگل 17 جون 2025 16:48

ابوظہبی (اُردو پوائنٹ اخبارتازہ ترین - اے پی پی۔ 17 جون2025ء) بحیرہ عمان میں تیل بردار جہاز سے عملے کے 24 ارکان کا انخلا کامیابی سے مکمل کر لیا گیا۔

(جاری ہے)

امارات نیوز ایجنسی وام کے مطابق نیشنل گارڈ کے کوسٹ گارڈ یونٹ نے منگل کو امدادی کارروائی کرتے ہوئے تیل بردار جہاز ’’ایڈالن‘‘ کے عملے کے 24 ارکان کو بحفاظت نکال لیا۔ یہ اقدام اس وقت اٹھایا گیا جب بحیرہ عمان میں2بحری جہازوں میں تصادم کا واقعہ پیش آیا۔واقعے کے بعد متاثرہ عملے کو جائے وقوعہ سے، جو ملک کے ساحل سے 24 بحری میل کے فاصلے پر واقع ہے، سرچ اینڈ ریسکیو کشتیوں کے ذریعے خورفکان بندرگاہ منتقل کیا گیا۔