سیکرٹری سپورٹس پنجاب کی زیرصدارت اجلاس، سمر سپورٹس کیمپس کیلئے سہولیات کا جائزہ لیا گیا

منگل 24 جون 2025 22:31

لاہور (اُردو پوائنٹ اخبارتازہ ترین - اے پی پی۔ 24 جون2025ء) سیکرٹری سپورٹس پنجاب مظفرخان سیال کی زیرصدارت سمر سپورٹس کیمپس اور سپورٹس سہولیات کے جائزہ کے حوالہ سے پنجاب سٹیڈیم میں اہم اجلاس منعقد ہوا ۔ منگل کو منعقد ہ اجلاس میں ڈی جی سپورٹس پنجاب خضرافضال چودھری،ایڈیشنل سیکرٹری میاں عثمان علی، ڈائریکٹرایڈمن ڈاکٹرمحمد کلیم اور ڈائریکٹر سپورٹس راناندیم انجم نے شرکت کی ہے۔

(جاری ہے)

سیکرٹری سپورٹس نے اجلاس سے خطاب کرتے ہوئے کہا کہ سمر سپورٹس کیمپس سے سپورٹس کلچر کو فروغ ملے گا،پنجاب کے تمام ڈویژن میں سمر سپورٹس کیمپس شروع ہونا خوش آئند ہے،سمر سپورٹس کیمپس میں کھلاڑیوں کو بہترین سہولیات مہیا کی جائیں، انہوں نے مزیدکہا ہے کہ لاہور میں سپیشل بچوں کیلئے سپورٹس ایرینا تعمیر کیا جائے گا، سیالکوٹ کہوٹہ سمیت کئی شہروں میں سٹیڈیمز کے ساتھ دکانیں تیار ہوگئی ہیں،سٹیڈیمز کے ساتھ دکانوں کی تعمیر سے ڈیپارٹمنٹ کے ریونیو میں اضافہ ہوگا،تحصیل سپورٹس افسران کے دفاتر سپورٹس سٹیڈیمز میں شفٹ کیے جائیں گے۔