خیبرپختونخوا جونیئرسکواش چیمپئن شپ پشاورمیں شروع

پیر 14 جولائی 2025 22:54

پشاور(اُردو پوائنٹ اخبارتازہ ترین - آن لائن۔ 14 جولائی2025ء)خیبرپختونخوا جونیئر سکواش چیمپئن شپ گزشتہ روز قمر زمان سکواش کورٹ پشاور سپورٹس کمپلیکس میںشروع ہوگئی‘ افتتاحی تقریب کے مہمان خصوصی صوبائی سکواش ایسوسی ایشن کے چیئرمین اور سیکرٹری پبلک ہیلتھ اینڈ انجینئرنگ ڈیپارٹمنٹ داؤد خان تھے ان کے ہمراہ ڈی جی سپورٹس تاشفین حیدر ،سکواش لیجنڈ جان شیر خان ‘ قمر زمان، چیف آرگنائر و کوچ منور زمان‘جنرل سیکرٹری ایسوسی ایشن منصور زمان‘چیف کوچ شفقت الله،یوسف آفریدی ایڈمنسٹریٹر پشاور سپورٹس کمپلیکس سمیت دیگر اہم شخصیات موجود تھیں‘ خیبر پختونخوا جونیئر چیمپئن شپ میں صوبہ بھر سے سو سے زائد کھلاڑی انڈر 9 اور انڈر 11 کیٹگری میں شرکت کررہے ہیں‘مقابلوں کی افتتاحی تقریب کے موقع پر کھلاڑیوں میں صوبائی سکواش ایسوسی ایشن کی جانب سے کٹس بھی تقسیم کی گئیں‘ مقابلوں میں انڈر9 سے انڈر13 تک کے بوائز کھلاڑیوں کے درمیان میچ ہوں گے ‘افتتاحی تقریب سے خطاب کرتے ہوئے مہمان خصوصی داؤد خان نے کہا کہ گراس روٹ پر ٹیلنٹ کو تلاش کرنے بہت ضروری ہے کیونکہ اس عمر میں اگر بچوں کی کھیل پر توجہ دی جائے تو مستقبل میں ہم مزید لیجنڈز بھی پیدا کرسکتے ہیں‘ ان کا کہنا تھا کہ صوبائی ایسوسی ایشن تمام کیٹگریز میں اور خصوصی طور پر انڈر 13 سے کم بچوں کے لئے تسلسل کیساتھ ایونٹس کا انعقاد کر رہی ہے جو قابل تعریف ہے اس موقع پر سکواش لیجنڈ جان شیر خان نے کہا کہ صوبائی ایسوسی یشن کو مبارک باد دیتا ہوں اسطرح کے ایونٹس سے ہی کھلاڑی آگے جاتے ہیں اور ان کے کھیل میں مزید نکھار پیدا ہوتا ہے‘ڈی جی سپورٹس تاشفین حیدر نے کہا کہ کھیلوں کے فروغ و ترقی کے لئے تمام وسائل بروئے کار لائے جائیں گے۔

Facebook Twitter Google + Share on Whatsapp

خیبرپختونخوا جونیئرسکواش چیمپئن شپ پشاورمیں شروع

متعلقہ عنوان :

مزید کھیلوں کی خبریں