محبت میں حد سے زیادہ توجہ دینا یا مسلسل تعریف کرنا خطرے کی گھنٹی ہوسکتی ہے،سائرہ یوسف

اصل محبت وقت کے ساتھ پروان چڑھتی ہے، فوری شدت اکثر وقتی تعلقات کی نشاندہی کرتی ہے،اداکارہ

جمعہ 27 جون 2025 15:07

محبت میں حد سے زیادہ توجہ دینا یا مسلسل تعریف کرنا خطرے کی گھنٹی ہوسکتی ..

کراچی (اُردو پوائنٹ اخبارتازہ ترین - این این آئی۔ 27 جون2025ء)معروف اداکارہ سائرہ یوسف نے ان علامات پر کھل کر بات کی ہے جو بظاہر محبت کا حصہ لگتی ہیں لیکن درحقیقت رشتے کو کمزور کرنے کی علامت ہوتی ہیں۔

(جاری ہے)

اداکارہ سائرہ یوسف نے کہا کہ جب کوئی مرد عورت سے بدتمیزی یا بدسلوکی کرے تو وہ بے چین ہو جاتی ہیں لیکن صرف یہی نہیں بلکہ محبت میں حد سے زیادہ توجہ دینا یا مسلسل تعریف کرنا بھی خطرے کی گھنٹی ہوسکتی ہے۔انہوں نے کہا کہ ابتدا میں یہ سب کچھ خوشگوار محسوس ہوتا ہے لیکن یہ وقتی جذبات ہوتے ہیں جو محبت کے نام پر رشتے کوغیرمتوازن بنا سکتے ہیں۔ان کا کہنا تھا کہ اصل محبت وقت کے ساتھ پروان چڑھتی ہے، فوری شدت اکثر وقتی تعلقات کی نشاندہی کرتی ہے۔