سیالکوٹ،زرعی ادویات ساز کمپنیوں کےنمائندوں کے لیے ٹریننگ سیشن کا انعقاد

جمعہ 27 جون 2025 13:50

سیالکوٹ (اُردو پوائنٹ اخبارتازہ ترین - اے پی پی۔ 27 جون2025ء) سیکرٹری زراعت افتخار علی ساہو اور ڈائریکٹر جنرل پیسٹ وارننگ ڈاکٹر عامر رسول صاحب کی ہدایت پر ڈائریکٹر زراعت (پلانٹ پروٹیکشن) پیسٹ وارننگ و کوالٹی کنٹرول آف پیسٹی سائیڈز سیالکوٹ و گوجرانولہ ڈاکٹر مقصود احمد اور ڈائریکٹر زراعت (پلانٹ پروٹیکشن) پیسٹ وارننگ و کوالٹی کنٹرول آف پیسٹی سائیڈز گوجرانولہ ڈویژن تلفورالحسن کےزیر اہتمام اسسٹنٹ ڈائریکٹرز زراعت (پی پی) سمیع اللہ ڈوگر اور رانا قیصر کی موجودگی میں زرعی ادویات ساز کمپنیوں کےنمائندوں کے لیے ٹریننگ سیشن کا انعقاد کیا گیا۔

ٹریننگ سیشن سے خطاب کرتے ہوئے ڈاکٹر مقصود احمد اور تلفورالحسن کا کہنا تھا کہ چاول وطن عزیز کی اہم ترین فصل ہے۔پاکستانی چاول کی بہترین خوشبو کی وجہ سے اس کی یورپ، گلف اور دیگر ممالک کی منڈیوں میں کافی زیادہ مانگ ہے۔

(جاری ہے)

تاہم چاول کی فصل پر تیاری کے آخری مراحل میں غیر ضروری زہروں کا نامناسب وقت پر کیا گیا سپر ے زہروں کی باقیات کی میں صورت میں نکلتا ہےجس کی وجہ سے ہمارے چاول کی ایکسپورٹ میں کافی کمی آجاتی ہے۔

اس ٹریننگ کا مقصد یہ آگاہی دینا تھا کہ آپ لوگ کاشتکار بھائیوں کو غیر ضروری سپرے کے نقصانات سے آگاہ کریں۔اس موقع پر انہوں نے منصوبہ برائے چاول اور سبزیوں پر زرعی زہروں کی باقیات کی تخفیف زرعی زہروں کی باقیات سے پاک پیداوار کے حصول، دھان کی ایکسپورٹ کے مسائل، زہروں کی باقیات اور سدباب پر تفصیلی تبادلہ خیال کیا ۔مزید برآں چاول اور سبزیوں پرکیڑے مار ادویات کے استعمال کو کم کرنے، پی ایچ آئی،ایم آر ایل اور دیگر مروجہ مسائل کے بارے میں تفصیلی گفتگو کی اور ان کے اثرات کے بارے میں بتایا۔

انہوں نے مربوط طریقہ انسداد کو اپناتے ہو ئے مناسب اور موزوں زہروں کا انتخاب اور استعمال وقفہ قبل از برداشت ( پی ایچ آئی ) کو ہر صورت مد نظر رکھنے کے ساتھ ساتھ زہروں کے استعمال کو ہمیشہ آخری آپشن رکھنے پر زور دیا گیا۔