سوات میں اتنی بڑی تعداد میں سیاحوں کی ہلاکت افسوس ناک واقعہ ہے‘مولانا فضل الرحمن

جمعہ 27 جون 2025 20:56

اسلام آباد(اُردو پوائنٹ اخبارتازہ ترین - آن لائن۔ 27 جون2025ء) جمعیت علما اسلام کے سربراہ مولانا فضل الرحمن نے دریائے سوات حادثے پر گہرے دکھ اور افسوس کا اظہار کرتے ہوئے غمزدہ خاندانوں کے ساتھ دلی تعزیت کا اظہار ہے۔جے یوآئی میڈیا سیل سے جاری ہونے والے بیان کے مطابق جے یوآئی سربراہ مولانا فضل الرحمن نے کہاہے کہ سوات میں اتنی بڑی تعداد میں سیاحوں کی ہلاکت افسوس ناک واقعہ ہے۔

(جاری ہے)

انہوں نے کہاکہ سیاحوں کے تحفظ کے لئے حکومتی اقدامات نہ ہونے کی وجہ سے یہ واقعہ پیش آیا ہے انہوں نے کہاکہ جاں بحق افراد کے اہلِ خانہ کے غم میں برابر کے شریک ہیں انہوں نے کہاکہ ریسکیو آپریشن میں مزید تیز کیا جائے اورفوری حفاظتی اقدامات کئے جائیں انہوں نے کہاکہ جاں بحق افراد کے لیے مغفرت اور زخمیوں کی جلد صحتیابی کی دعا کرتے ہیں انہوں نے کہاکہ قدرتی آفات سے نمٹنے کے لیے موثر اور بروقت حکمت عملی بنائی جائے اور انصار الاسلام کے رضاکار فوری طور پر پہنچ کر ریسکیو آپریشن میں تعاون کے لئے خود کو پیش کریں۔۔۔۔۔اعجاز خان