متحدہ عرب امارات میں جولائی کےلیے پٹرولیم مصنوعات کے نئے نرخ، پٹرول اور ڈیزل مہنگا

منگل 1 جولائی 2025 11:32

ابو ظہبی (اُردو پوائنٹ اخبارتازہ ترین - اے پی پی۔ 01 جولائی2025ء) متحدہ عرب امارات میں جولائی 2025 کے لیے پٹرول اور ڈیزل کی قیمتوں میں اضافہ کردیا گیا ہے۔ امارات کی فیول پرائس کمیٹی کے مطابق متحدہ عرب امارات میں جولائی کےلیے پٹرولیم مصنوعات کے نئے نرخ وں کا اعلان کر دیا گیا ہے جن کے مطابق پٹرول اور ڈیزل کی قیمتوں میں اضافہ کر دیا گیا ہے او نئی قیمتوں کا اطلاق یکم جولائی سے ہوگا۔

(جاری ہے)

پٹرول سپر 98 کی نئی قیمت 2.70 درہم فی لیٹر مقرر کی گئی ہے جو جون میں 2.58 درہم فی لیٹرتھی۔ سپیشل 95 کی قیمت 2.58 درہم فی لیٹر کر دی گئی ہے جو جون میں2.47 درہم فی لیٹر دستیاب تھا۔ ای پلس91 کے نرخ اضافے کے بعد 2.51 درہم فی لیٹر ہوں گے۔ جون میں اس کی قیمت 2.39 درہم فی لیٹر تھی۔ ڈیزل کی قیمت بڑھا کر 2.63 درہم فی لیٹر کی گئی ہے۔ جون میں ڈیزل 2.45 درہم فی لیٹر میں دستیاب رہا۔ یاد رہے امارات کی فیول پرائس کمیٹی ہر ماہ پٹرول کی قیمتوں کا تعین عالمی مارکیٹ میں تیل کی قیمتوں کے مطابق کرتی ہے۔